लिम्बुवानखबर, १५ असोजं । नेकपा एमालेले विधान महाधिवेशन ललितपुर गोदावरीमा अध्यक्ष केपी शर्मा ओलीले उदघाटन गरेका छन् । अध्यक्ष ओलीले विधान संशोधन प्रस्ताव पेश गर्दै पदाधिकारीमा व्यापक हेरफेर गर्ने प्रस्ताव गरेका छन् ।

उपमहासचिव तथा संगठन विभाग प्रमुख विष्णु पौडेलद्वारा प्रस्ताव गरिएको विधानमा उपमहासचिव पद रहने छैन भने उपाध्यक्ष ५ जना र सचिव ६ जना रहनेछन् ।

ललितपुरको गोदावरीमा जारी विधान संशोधन प्रस्तावमा उपाध्यक्ष ५ जना रहने व्यवस्था छ । यसअघि केन्द्रीय कमिटीमा प्रस्तुत विधान संशोधन मस्यौदामा तीन उपाध्यक्ष मात्र रहने व्यवस्था थियो । दुई उपमहासचिव राख्ने प्रस्तावलाई अहिले उपमहासचिव पद नै खारेज गरेको छ ।

प्रस्तावित विधानमा सचिवको संख्या ७ वटा घटाएर ६ मा झारिएको छ । नयाँ प्रस्तावमा ‘अध्यक्ष –१, उपाध्यक्ष –५, महासचिव –१, सचिव –६ र सदस्य २१२ समेत कुल २२५ सदस्यीय केन्द्रीय कमिटी बनाउने भनिएको छ ।’ यसैगरी प्रदेश कमिटीका अध्यक्षहरुलाई केन्द्रीय कमिटीको पदेन सदस्य रहने समेत विधान संशोधन प्रस्तावमा उल्लेख गरिएको छ ।

विधान महाधिवेशनमा देशभरका ६ हजारभन्दा बढी प्रतिनिधि सहभागी भएका छन् भने तीन दिनसम्म चल्ने महाधिवेशनको पहिलो दिन अध्यक्ष ओलीले राजनीतिक प्रतिवेदन, महासचिव ईश्वर पोखरेलले संगठनात्मक प्रस्ताव पेश भएका छन् । शनिबार समूहगत रुपमा छलफल गरी आवश्यक सुझावसहित ती प्रतिवेदनहरु पारित बताइएको छ ।

एमालेको राष्ट्रिय महाधिवेशन आगामी मंसिरमा हुनेछ बताइएको छ ।