लिम्बुवानखबर । मोरङको पथरीशनिश्चरेमा टेकबहादुर चोङबाङको अध्यक्षतामा वडा ४, ८ र ९को संयुक्त युमा साम्यो समिति गठन भएको छ । मंगलबार पथरीमा युमा साम्यो महासभाका केन्द्रीय अध्यक्ष देवेन्द्र कुमार वनेमको प्रमुख आतिथ्यतामा समिति गठन भएको हो ।

स्थानीय तुत्तु तुम्याहाङहरू, फेदाङमा, साम्बा, येबा, येमा, युमासामहरू एवं बौद्धिक वर्ग समेतको सहभागिता रहेको उक्त अधिवेशनमा विशेष अतिथि केन्द्रीय महासचिव डा. रमेश इजम, अतिथिहरूमा केन्द्रीय सदस्य योबाहाङ तुम्बाहाङ्फे, केन्द्रीय सदस्य भिम केदेम र स्थानीय प्रबुद्ध व्यक्तिहरूको उपस्थिति रहेको थियो ।

मन्तव्य राख्दै प्रमुख अतिथि देबेन्द्र कुमार वनेमले आसन्न राष्ट्रिय जनगणनाको प्रचारप्रसार र विविध कार्यक्रमहरू सफलल पार्नका लागि सबै जुटेर तन, मन, धन, कर्म र वचनले सहयोग गरौँ भनी उपस्थित सम्पूर्णमा आव्हान गरेका थिए ।
त्यसैगरी विशेष अतिथि महासचिव डा. रमेश इजमले यो राष्ट्रिय जनगणना याक्थुङ लिम्बू जातिको मौलिक पहिचान स्थापित गर्ने एक सुनौलो अवसर भएकोले सबैले जातिमा याक्थुङ लिम्बू र धर्ममा युमा धर्म लेख्न लेखाउन जोड दिएका थिए ।

सम्मेलनले चोङबाङको अध्यक्षतामा गठित समितिको उपाध्यक्ष लक्ष्मी मुसाहाङ, सचिव अशोक नाल्बो, सहसचिव टेकबहादुर वनेम, कोषाध्यक्ष हरिकुमार सेर्मा, सदस्यहरूमा सुकबहादुर योङहाङ, बिरेन्द्र लुम्फुङ्वा, प्रेमकुमार वनेम, डम्बर केदेम, सुरेश चोङबाङ्, जयमान पयाङ्गु, कान्छोरे सिरेङ, खड्ग फागो, सन्तबहादुर वनेम, धनबहादुर वनेम, इन्द्रजित पराङदेन, राजकुमार लिम्बू, मित्र नेम्बाङ् र सेरबहादुर नेम्बाङ रहेका छन् । त्यसैगरी सोही सम्मेलनले गंगा साँबाको संयोजकत्वमा सुकबहादुर खजुम र दौलत वनेम सदस्य रहनेगरी एक सल्लाहकार समिति समेत गठन भएको छ ।