माई इलाम १९ असोज । इलामको माइनगरपालिकास्थित मागुना युवा क्लयको आयोजनामा दोस्रो मागुना गोल्डकप फूटबल प्रतियोगिता मंगलबारबाट शुरु भएको छ ।
मंगलबार माइ नगर वडा ६ का अध्यक्ष मुखराज आङदेम्बेले गोल्डकप खेलको उद्घाटन गर्दै खेल शुरु भएको हो । कार्यक्रममा नगर खेलकुद समितिका सचिव पुष्प गिरीको विशेष आतिथ्यता रहेको थियो भने नेपाली कांग्रेसका युवा नेता हेमु नेम्बाङ लगायत समाजसेवीहरुको उद्घाटन खेलमा उपस्थिति रहेको थियो ।
उद्घाटन खेलमा लोकतान्त्रिक एफसिले सितली एफसीलाई २–० गोल अन्तरले पराजित गरेको छ । त्यसैगरी दोस्रो खेलमा माइ ७ वडाले सुखानीलाई ट्राईबेकरमा पराजित गरेको छ ।
त्यसैगरी बुधबारको खेलमा महमाई ४ लाई सखुवा क्लबले ३–१ गोल अन्तरले पराजित गरेको छ भने दोस्रो खेलमा किरात एफसि अर्जुनधाराद्वारा १–३ गोल अन्तरले पराजित भएको छ ।
उदघाटन कार्यक्रमको अध्यक्ष क्लबका अध्यक्ष सुरेश नेम्बाङ्को सभाध्यक्षतामा भएको थियो भने कार्यक्रमलाई प्रदिक लावतीले संचालन गरेका थिए । गोल्ड कप संचालनको लागि प्रमुख रेफ्री डिक ब. श्रेस्ठ, असिस्टेन्ट रेफ्री प्रज्वल तिवारी र प्रकाम मगर रहेको खेल आयोजकले जनाएको छ ।
आगामी असोज २५ गते सम्म संचालन हुने गोल्ड कपको प्रथम पुरस्कार ४० हजार नगद, मेडल, ट्रफी र प्रमाणपत्र त्यसैगरी दोस्रो हुनेले २० हजार नगद, मेडल, ट्रफी र प्रमाणपत्र प्राप्त गर्नेछन् । उत्कृष्ट खेलाडीले गोल्डेन बल, सर्वाधिक गोलकर्ताले गोल्डेन बुट र उत्कृष्ट छ बिधाका खेलाडीलाई नगदद्वारा सम्मान गरिने अध्यक्ष नेम्बाङ्ले बताए । त्यसैगरी प्रत्येक खेलको म्यान अफ द म्याचले प्रमाणपत्र र नगद पुरस्कार प्रदान गरिने पनि उनले बताए ।
माइ नगरमा सक्रिय यस क्लबले २०७७ साल देखि निरन्तर गोल्ड कप खेलाउने निर्णय गर्र्दै दोस्रो मागुना गोल्ड कप २०७८को आयोजना गरिएको क्लबका अध्यक्ष तथा संघीय विद्यार्थी युनियन झापा जिल्ला उपाध्यक्ष नेम्बाङ्ले जनाएका छन् ।
खेलको प्रथम पुरस्कार नेपाली कांग्रेस इलामका नेता, समाजसेवी डम्बर खड्काले प्रायोजना गरेको अध्यक्ष नेम्बाङ्ले बताए ।
दमक, १७ असोज । दमकमा जारी 'प्रथम प्रदेश १ (कोशी) जिल्लास्तरीय भेट्रान च्यालेन्ज कप'को प्रथम पुरस्कार रकम क्लबका अध्यक्ष गजेन्द्र देवान (गजु) ले स्पोन्सर गर्दै क्लबलाई हस्तान्तरण गरेका छन्। दमक-६ स्थित मायाज क्याफेका सञ्चालक समेत...
दमक, झापा । "औद्योगिक, पर्यटकीय र हरित नगर, स्वच्छ, सुरक्षित र समृद्ध दमक" भन्ने मूल नारालाई आत्मसात् गर्दै दमक नगरपालिकाले नगर क्षेत्रभित्र रात्रिकालिन सुरक्षा व्यवस्था सुदृढ बनाउन तथा सार्वजनिक स्थलहरू उज्यालो पार्न फ्लड लाइट (Flood...
दमक, १७ असाेज । दमक–६ वर–पिपल चोकमा अवस्थित बिश्वाशिलो बचत तथा ऋण सहकारी संस्था लिमिटेडको १५औं वार्षिक साधारणसभा शनिबार भव्य रूपमा सम्पन्न भएको छ। सहकारी संस्थाका अध्यक्ष अशिम राईको अध्यक्षतामा सम्पन्न उक्त साधारणसभामा राष्ट्रिय सहकारी बैंक...
ललितपुर, १६ असाेज । किरात याक्थुङ चुम्लुङको विषयगत समिति—लिम्बू सांस्कृतिक परिषद्ले आफ्नो एक पुस्ता लामो संस्थागत यात्रा, याक्थुङ-लिम्बू समुदायको सांस्कृतिक जीवन, ज्ञान-परम्परा र समकालीन प्राज्ञिक विमर्शलाई समेटेर तयार पारिएको प्राज्ञिक जर्नल-स्मारिका ‘थिम्-साक्थिम्’ सार्वजनिक गरेको छ।...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७