लिम्बुवानखबर, कतार । किरात याक्थुङ् चुम्लुङ् कतारको अध्यक्षमा हर्क खजुम निर्वाचित भएका छन् । “लिम्बुवान स्वायत्तता हाम्रो प्रतिबद्धता” मूल नाराका साथ सम्पन्न ११औं अधिवेशनले खजुमको अध्यक्षतामा २४ सदस्यीय नयाँ कार्य समिति चयन भएको हो ।

शुक्रबार (१५ अक्टोबर) सम्पन्न अधिवेशनले बरिठ उपाध्यक्षमा श्याम बहादुर तुम्बहाम्फे (सागर), प्रथम उपाध्यक्षमा योगेन माखिम, द्वित्तीय उपाध्यक्षमा राम लङ्वा लिम्बु, तृतीय उपाध्यक्षमा लेरिना आङदेम्बे लिम्बु, महासचिवमा विवश मादेन लिम्बु, उपमहासचिवमा विरेन मादेन लिम्बु, सचिवहरुमा गणेश मादेन, गौतम समी आङदेम्बे, कोषाध्यक्षमा सोम माबोहाङ् र सह–कोषाध्यक्षमा प्रकाश हाङ्गाम लिम्बु रहनु भएको छ ।

त्यसैगरी सोही कार्यक्रमले सचिवालय सदस्यहरुमा राज आङला लिम्बु, र रेखा मेङ्याङ्बो लिम्बु निर्वाचित गरेको छ भने केन्द्रीय सदस्यहरुमा क्रमशः पवित्रा फागो, सोनु चेम्जोङ, मनु साम्याङ्ख्याम, विश्व मादेम्बा, विनोद आङबुहाङ, मञ्जु साँवा लिम्बु, भविन्द्र तुम्बापो, तेजबहादुर साँवा, मचिन्द्र नेम्बाङ, नगेन्द्र लिङ्दम र दिपेन्द्र सेनेहाङ् निर्वाचित भएका छन् ।

निर्वाचित कार्य समितिको कार्यकाल तीन बर्षको रहने ११औं अधिवेशन स्रोतले जनाएको छ ।