लिम्बुवानखबर, ३ कार्तिक । संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपालको अन्तर्राष्ट्रिय प्रबास समन्वय मञ्चको दोश्रो ऐतिहाँसिक महाधिवेशन हुने भएको छ । मञ्चको आगामी कार्तिक ५ गते तद् अनुसार १२ अक्टोबरका दिन भर्चुअल जुम मार्फत महाधिवेशन हुने भएको हो ।

संघीय मञ्चको प्रवास संगठनहरुको समन्वय गर्ने यो मञ्चको दोश्रो ऐतिहाँसिक महाधिवेशनमा बिश्वका बिभिन्न १६ वटा देशका प्रतिनिधिहरु सहभागी हुने संयोजक चन्द्र कुमार लिङ्देनले जनाएका छन् ।

न्तर्राष्ट्रिय प्रबास समन्वय मञ्चको दोश्रो ऐतिहाँसिक महाधिवेशनमा सहभागी हुनको लागि बिभिन्न देशमा रहेका प्रबास समितिहरु ससक्त रुपमा अधिबेसनमा जुटि रहनु भएको छ । अन्तर्राष्ट्रिय प्रबास समन्वय मञ्चको संरचना संघीय मञ्चसंग मिल्दो जुल्दो रहेको छ ।

अन्तर्राष्ट्रिय प्रबास समन्वय मञ्चको महाधिवेशनमा प्रतिनिधि हुनको लागि प्रबास समितिका अध्यक्ष अनिबार्य हुनु पर्ने छ छ भने १ जना सदस्य प्रबास समितिहरुले मञ्चको बिनियम अुसार सिफारिस गर्ने ब्यवस्था रहेको संयोजक लिङदेनले बताए ।

अन्तराष्ट्रिय समन्वय मञ्चको संयोजक बन्नलाई सहभागी प्रबास समितिहरुबाट ५१% मत ल्याउनु पर्नेछ । मञ्चको संयोजकले सबै प्रबास समितिहरुसंग परामर्श गरि पदाधिकारी चयन गरिने छ । संयोजकले संघीय मञ्चसँग परामर्श र सबै प्रवास समितिहरुसँग समन्वय गर्ने पुलको काम गर्नुपर्ने बताइएको छ ।

मञ्चलाई राष्ट्रिय पार्टी बनाउन महत्वपूर्ण भूमिका निर्वाचन र सबै प्रकारको चुनावमा पार्टीलाई शसक्त रुपमा सहभागी गराउन समन्व्य मञ्चले काम गर्ने संकल्प गरेको समेत संयोजक लिङदेनले बताएका छन् । मञ्चको दोस्रो महाधिवेशनलाई मञ्चका संघीय अध्यक्ष कुमार लिङदेन मिराकले सम्बोधन गर्ने कार्यक्रम रहेको छ ।