लिख संवाददाता, १७ कार्तिक । विश्वव्यापी रुपमा टू–ह्वीलर तथा थ्री–ह्वीलरको ख्यातिप्राप्त निर्माता कम्पनी, टिभिएस मोटर कम्पनीले दशैतिहार उपहार कार्यक्रम अन्तर्गत दमकका ६ जनाले लाखौ रुपैयाँको उपहार जितेका छन् ।

उक्त कम्पन्नीको दमकका लागि आधिकारिक विक्रेता एएनए ट्रेड प्रालिमार्फत खरिद गरेका मोटरसाईकल तथा स्कुटी खरिदमा छ प्राइज सरप्रराइज अन्तर्गत ६ जनाले २५ हजार माथि १ लाखसम्म नगद उपहार प्राप्त गरेका हुन् ।

एएनए ट्रेड प्रालिका सञ्चालक गनबहादुर अधिकारीका अनुसार यसरी उपहार प्राप्त गर्नेमा दमकका मन्जल राईले १ लाख, दमककै रन्थु उराँवले ५० हजार, सुजन लुईटेलले २५ हजार उपहार प्राप्त गरेका छन् । देशभरिका डिलरमार्फत खरिद गरिएका मोटरसाइकल तथा स्कुटीको उपहार कार्यक्रम अन्तर्गत लक्की ड्र गर्दा दमकमार्फत उनीहरुले त्यतिका नगद उपहार जितेका हुन् ।

टिभीएस कम्पन्नीले सेप्टेम्बरदेखि नोनेम्भरसम्म तीन महिना सम्म प्रत्येक महिना लक्की ड्र गरि एक जना भाग्यमानीलाई आपाची आरआर ३१० सीसीको मोटरसाइकल प्रदान गर्दे आएको कम्पन्नीले जनाएको छ । त्यस कार्यक्रमबाट इलाम, चुलाचुलीकी खड्गीमाया आङदेम्बेले गत असोज १६ गते उक्त उपहार जितेकी थिइन् ।

यसैगरि, दमकको डिलरले दशैतिहार, छैठ पर्वको उपलक्ष्यमा आफना ग्राहकहरुका सुविधाका लागि नयाँ मोटरसाईकल, स्कुटी खरिदमा आर्कषक सुविधा उपलव्ध गराउदै आएको सञ्चालक अधिकारीले बताए । मोटरसाइकल, स्कुटी खरिदमा आर्कषक छुट, एक्सचेन्ज, फाइनान्सको समेत व्यवस्था सहित कम्तीमा ७ हजारसम्म स्कयाच उपहारसंगै हेल्मेट, सिटकभर, रेनकोट निशुल्क उपलव्ध गरिआएको उनले जानकारी दिए ।