मोरङको मिक्लाजुङ धोबेनी बजारमा कुमार लिम्बु बचाउ अभियान सांस्कृतिक कार्यक्रम सम्पन्न भएको छ । मिक्लाजुङ ३ का ३३ बर्षीय कुमार लिम्बु बिगत दुई बर्ष देखि दुवै मृगौला फेल भइ उपचार गराईरहेका छन् ।
हाल भक्तपुरस्थित कृष्ट मेडिकल तथा शिक्षण अस्पतालमा उपचार गराईरहेका लिम्बुको आर्थिक अवस्था कम्जोर भई उपचारमा कठिनाई भएपछि पनि उपचार सहयोगको लागि उक्त कार्यक्रमको आयोजना गरिएको हो ।
दुई सन्तानका पिता लिम्बुको हाल मुटुमा समेत समस्या भई उपचार भईरहेको हुँदा वहाँको स्वास्थ्यउपचारमा थप मद्दत गर्न मिक्लाजुङबासी जुटेर कार्यक्रमको आयोजना गरिएको कार्यक्रमका संयोजक भुपेन्द्र तुम्बाहाम्फेले बताए । कार्यक्रमलाई टाँडी युवा समूह, टाँडी यूवा क्लब, पोजेटिभ नेपाल, श्रीजंगा युवा क्लब र किरातेश्वर हाङसाम माङहिमले आयोजना गरेको हो ।
बुधबार आयोजित उक्त कार्यक्रममा ४ लाख रकम संकलन भएको संयोजक तुम्बाहाम्फेले जानकारी दिएका छन् । कार्यक्रममा चर्चित कलाकारहरु तारा प्रकाश लिम्बु, डम्बर नेपाली, पदम राई, बादल लिम्बु, निमा तामाङ, सुनिता संयक, तुलाशा लिम्बु, सिद्धान्त खड्का, नन्दु गुरुङ, बिनोद बस्नेतले आ–आफ्ना प्रस्तुतीहरु दिएर पिडीत लिम्बुको उपचारमा सहयोग गर्न अनुरोध गरेका थिए । त्यसैगरी नृत्यकार अनिश लिम्बु र टिकटक स्टार विवश राईले पनि सांगीतिक कार्यक्रममा कला प्रस्तुत गरेका थिए ।
मिक्लाजुङ ३ वडा अध्यक्ष खगेन्द्र मादेन लिम्बूको सभाध्यक्षतामा भएको उक्त कार्यक्रममा नेका मोरङ क्षेत्रीय सभापति डिक बहादुर लिम्बूको प्रमुख अतिथ्यता रहेको थियो । त्यसैगरी बिशिस्ट अतिथि सलोराम संघिय लिम्बुवान मञ्च नेपाल के महासचिव असोक चेम्जोङ, उप–महासचिव दिल कुमार लावती, केन्द्रीय सचिवालय सदस्य दिलु लावती लिङदेन, नेकपा एकीकृत समाजबादी केन्द्रीय सदस्य बिधा चाम्लिङ राई त्यसैगरी अतिथिहरुमा कालिका माध्यमिक विद्यालयको प्रअ मातृका प्रसाद न्यौपाने, लिम्बुवान भोलेन्टियर्स एल भी केन्द्रीय सिनियर कमाण्डर गणेश मिभक, सामाजिक व्यक्तित्वहरु अर्जुन तुम्रोक, बबि राई, शेरबहादुर तुम्बाहाम्फे, विशाल राई लगायतको रहेका थिए ।
कार्यक्रमको संयोजक तुम्बाहाम्फेसँगै वडाध्यक्ष मादेन, त्यसैगरी सहसंयोजकमा प्रकाश श्रेष्ठ, बुद्ध थलङ, मुस्कान सुब्बा, रमेश मिभक, विशाल सदेम र महेन्द्र थेगिम रहेका थिए । कार्यक्रमको संचालन प्रकाश श्रेष्ठको रहेको थियो भने अन्त्यमा कलाकारहरुलाई सम्मान गरिएको संयोजक तुम्बाहाम्फेले बताए ।
ललितपुर । ताप्लेजुङको मुक्कुमलुङ निर्माणाधिन केवलकार निर्माण परियोजना खारेजीको माग गर्दै जिल्ला प्रशासन कार्यालय ताप्लेजुङमा ज्ञापनपत्र बुझाइएको छ । मुक्कुमलुङ ताङसेप चुम्भोको अगुवाईमा परियोजना खारेजको माग गर्दै जिल्ला प्रशासन मार्फत प्रधानमन्त्रीलाई ज्ञापनपत्र पठाइएको हो ।...
ललितपुर । दक्षिण कोरियामा क्रियाशील संस्था किरात याक्थुङ चुम्लुङ दक्षिण कोरियाले आफ्नो २५औँ वार्षिकोत्सव तथा रजत जयन्ती समापन समारोह भव्य तथा विशेष रूपमा आयोजना गर्ने भएको छ । संस्थाका अनुसार उक्त महत्वपूर्ण कार्यक्रम आगामी १०...
काठमाडौं, १२ वैशाख । सरकारले काठमाडौं उपत्यकाका विभिन्न स्थान अतिक्रमण गरि बसोबास गरेका सुकुम्बासी बस्तीहरु आजबाट खाली गर्न शुरु गरेको छमना । बाग्मती नदी लगायत खोला किनार, जोखिमपूर्ण सार्वजनिक र सरकारी जग्गामा अतिक्रमण गरि बनाइएका...
बसन्तराज सुब्बा, केर्खाबजार, झापा । “युवाको प्रतिवद्धता, लागु औषध दुव्र्यसनी मुक्त कमल गाउँपालिका” भन्ने नाराक साथ कमल युथ फाउन्डेशनको आयोजनामा मिनी म्याराथन प्रतियोगिता सम्पन्न भएको छ । झापाको कलमस्थित केर्खाजारमा नयाँ बर्षको अवसरमा वैशाख १...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७