दमक, झापा ३० कार्तिक । संघीय लिम्बुवान मञ्च, नेपाल इलाम जिल्लाको चौथो अधिवेशन १ दिन पर सरेकोछ । जिल्ला अध्यक्ष दिपक योङहाङका अनुसार नेकपा विप्लव समूहको आज मंगलबार देशव्यापी आमहड्तालका कारण १ दिन पर सारिएको बताए ।

कार्तिक ३० गते गर्ने भनिएको अधिवेशन जिल्लाबाट प्रतिनिधिहरु आउन समस्या भएको हुँदा अधिवेशन १ दिन पर सरेको हो । टाडाबाट आउने प्रतिनिधिहरु भने सदरमुकाम आउन थालेको अध्यक्ष योङहाङले लिम्बुवानखबरलाई जानकारी दिएका छन् । अधिवेशनमा सबै पालिका र जिल्ला समिति गरी २ सय ५० प्रतिनिधि हुने जनाइएको छ ।

कार्यक्रमको खुल्लासत्रलाई मञ्चका उपाध्यक्ष डुपछिरीङ काजी लेप्चा, डम्बर राई, महासचिव शान्ता योङहाङ लगायत नेताहरुले सम्बोधन गर्ने कार्यक्रम रहेको अध्यक्ष योङहाङले बताए ।