मिक्लाजुङ, १४ मंसिर । मोरङको मिक्लाजुङ्मा एमाले, कांग्रेस र माओवादी परित्याग गरि लिम्बुवानमा प्रवेश गरेका छन् । संघीय लिम्बुवान मञ्च, नेपाल मिक्लाजुङ गाउँपालिकाले आयोजना गरेको चियापान, अन्तरक्रिया तथा अन्तराष्ट्रिय दासत्व उन्मुलन दिवस कार्यक्रममा उनीहरु पार्टी प्रवेश गरेका हुन् ।
मञ्चका बरिष्ठ उपाध्यक्ष कार्यक्रमका प्रमुख अतिथि ज्ञान बहादुर गुरुङ, विशिष्ट अतिथि प्रान्तीय महासचिव अशोक चेम्जोङ लगायतका नेताहरुले खाँदा र अविर लाउँदै पार्टीमा स्वागत गरेका छन् ।
लिम्बुवान मञ्च मिक्लाजुङ अध्यक्ष ओम चेम्जोङको अध्यक्षतामा भएको उक्त कार्यक्रममा प्रमुख अतिथि गुरुङले लिम्बुवान मञ्च मात्र नभएर १०+१ प्रान्तहरु बनी सकेको हुँदा अब संघीय लोकतान्त्रिक राष्ट्रिय मञ्च नै एकमात्र बैकल्पिक राजनैतिक पार्टीको रुपमा स्थापित हुने बताए । उनले भने– ठूला पार्टीहरुको झोला बोकेर होइन आफ्नै पहिचानवादी पार्टीको झण्डा र चुनाव चिन्ह लिएर अब आगामी चुनावमा अघि बढ्न नेता कार्यकर्ताहरुलाई निर्देशन दिन चाहान्छु ।
अर्का बक्ता कार्यक्रममा विशिष्ट अतिथि महासचिव चेम्जोङले अब मञ्च एउटा शसक्त पार्टीको रुपमा स्थापना भई कार्यान्वयनको लाइनमा उभिएको बताउँदै प्रदेश १ सरकारमा सहभागी पार्टी आगामी चुनावहरुलाई सदुपयोग गर्दै प्रदेश चुनावमा कम्तिमा ७ सांसद भन्दा माथि जिताएर मुख्यमन्त्री सम्म बन्ने सपना देख्न थालिएको बताएका छन् । अब आन्दोलनले मात्र नहुने रहेछ भन्दै सत्तामा पुग्न समेत मञ्च अघि बढेको कार्यकर्ताहरुलाई बताए ।
यसैगरी कार्यक्रममा मञ्चका प्रान्तीय उपमहासचिव दिलकुमार लावती, प्रान्तीय सचिवालय सदस्यदय रामचन्द्र थापा मगर र दिलु लिङदेन, मोरङ जिल्ला अध्यक्ष जीवन खेवा लगायतले कार्यक्रममा शुभकामना मन्तव्य तथा श्रमिक दिवसको शुभकामना दिएका थिए ।
कार्यक्रमको व्यवस्थापन मोरङ जिल्ला सचिव मिक्सेन मिभक र लिम्बुवान भोलेन्टियर्स केन्द्रीय सिनियर कमाण्डर गणेश मिभकले गरेका थिए ।
कार्यक्रमबाट नेकपा एमाले परित्याग गरी गंगाप्रसाद पारघरी, महेश कुरुम्बाङ, इमानसिं कुरुम्बाङ, सनजित कुरुम्बाङ, सन्त बहादुर कुरुम्बाङ, पूर्ण कुमार नेम्बाङ, जगत बि.क., भक्त बहादुर बि.क., सन्त बहादुर बि.क., राजेन्द्र धमाल रहेका छन् ।
त्यसैगरी नेपाली कांग्रेस परित्याग गरी रुद्र बहादुर चेम्जोङ, दिपक लिम्बु, मान बहादुर तामाङ, रुपा तामाङ, पूर्ण बहादुर तामाङ, गोपाल लावती, सरिता तामाङ लावती, सञ्जय तामाङ, विवाह श्रेष्ठ, जगत बहादुर श्रेष्ठ, रुपध्वोज सार्की, विरेन्द्र कुमार थेगिम र राजेन्द्र चेम्जोङ रहेका छन् । यसैगरी नेकपा माओवादी परित्याग गरी सनकुमार सिन्चौरी, हेमन्तराज कोईराला र गजेन्द्र बि.क. लिम्बुवानमा प्रवेश गरेका छन् ।
दमक, झापा । याक्थुङ समुदायका प्राज्ञिक व्यक्तित्व तथा बहुआयामिक स्रष्टा सागर केरुङका ६ ओटा महत्वपूर्ण कृतिहरू एकैसाथ विमोचन भएका छन् । याक्थुङ प्रज्ञा प्रतिष्ठान नेपालको आयोजनामा गत बैशाख २६ गते शनिवार पाँचथरको फिदिममा सम्पन्न विशेष...
ललितपुर, ताप्लेजुङस्थित धार्मिक तथा सांस्कृतिक आस्थाको केन्द्र मुक्कुमलुङमा निर्माण गर्न लागिएको केवलकार परियोजनाको विरोधमा काठमाडौँको माइतीघरमा विरोध प्रदर्शन गरिएको छ । याक्थुङ (लिम्बु) समुदायको आस्थाको धरोधर मास्न पाइदैन भन्दै आदिवासी जनजाति महासंघ, किरात याक्थुङ चुम्लुङ...
दमक, झापाको दमक नगरपालिकाको आयोजनामा दोस्रो दमक नगरस्तरीय खेलकुद महोत्सवको उद्घाटन भएकाे छ । आइतबार दमक नगरपालिकाको प्राङ्गगणबाट दमक ७स्थित नमुना व्याट्मिन्टनको सभाहलसम्म विभिन्न झाँकी सहित खेलकुद महोत्सवको उद्घाटन गरिएकाे हो । खेलकुद महोत्सवमा फुटबल,...
फेदेन। पान्थर जिल्लाको फेदेनस्थित होटल सरगमको सभाहलमा सनिवार आयोजित याक्थुङ साहित्यको सिन्थेसिस’ कार्यक्रममा सात जना स्रष्टाका एक दर्जन कृतिहरू एकैसाथ लोकार्पण गरिएको छ । प्रमुख अतिथि किरात याक्थुङ् चुम्लुङ चुम्लुङका सङघीय अध्यक्ष तुत्तु गोविन्द आङ्बुङको...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७