शिवसताक्षी, लिख । किराँत लिम्बू समूदायहरुको मौलिक तथा प्राकृतिक पर्व चासोक तङनाम भव्य रुपमा मनाइने भएको छ । झापाको शिवसताक्षी दुधेस्थित रंगशालामा बुधबार आयोजित पत्रकार सम्मेलनमा उक्त कुरा सार्वजानिक गरिएको हो ।
दुधेमा आयोजित पत्रकार सम्मेलनमा किराँत याक्थुङ चूम्लुङ शिवसताक्षीका अध्यक्ष वीरवल जवेगुले बताए । सम्मेलनमा चासोक तङनाम २०७८ को तयारी सुरु गरिएको समेत उनले पत्रकारहरुलाई जनाएका छन् ।
हरेक बर्ष चासोक मेलाको रुपमा मनाइदै आएको चासोक तङनाम कोभिड – १९ (कोरोना भाइरस)को तेस्रो भेरियन्ट ओमिक्रोनका कारण यस पटक पौष ४ गते १ दिन मात्र मनाइने बताइएको छ । एक दिनमात्र उत्सवका रुपमा मनाइने कार्यक्रममा यस भन्दा अघि गरिएको कार्यक्रम जस्तै सबै विधालाई समेटिने समेत सम्मेलनमा अध्यक्ष जवेगुले बताए ।
कार्यक्रममा राष्ट्रिय कलाकार मेलिना राई र राष्ट्रिय हास्य कलाकार भरतमणि पौडेलको बेजोड प्रस्तुती रहने छ । सो क्रममा कार्यक्रम सम्पन्न गर्न १० लाख खर्च हुने बताइएको छ । रकम देश तथा विदेशमा रहेका व्यक्ति तथा स्थानीय स्तरका दाताहरुबाट संकलन गरिने बताइएको छ ।
तङ्नाममा प्रदेश नं. १ का सबै जिल्लाहरुबाट जमघट हुने छ भने उक्त कार्यक्रममा भारतको दार्जिलिङ, सिक्किबाट समेत उपस्थिति रहने बताइएको छ । चासोक तङनामको भव्य तयारीका लागि १९ बढी विभिन्न मूल उप–समिति गठन गरिएको छ ।
आर्थिक संयोजकमा सूर्य योङया, प्रचार प्रसार संयोजकमा सन्तोष थोप्रा, केलाङ संयोजकमा डिल्लीलाल फेम्बु, स्वयमसेवक संयोजकमा अभिशेक केदेम रहेका छन्, त्यस्तै कलाकार बिभाग संयोजकमा सन्तोष थोप्रा, प्रसाद वितरण संयोजकमा कमला आङ्देम्बे र शोभा लिम्बू, मञ्च व्यवस्थापन संयोजकमा अमर लिम्बू, स्टल र लाइटिङ विभाग संयोजकमा शर्मिला राई , फेदाङ्मा तथा सेवासाँवा व्यवस्थापन संयोजनमा महेश्वर खेवा, क्याट्रिङ तथा खाना व्यवस्थापन संयोजकमा सोराहाङ योङहाङ रहेका छन् ।
त्यस्तै साउण्ड सिस्टम व्यवस्थापन संयोजकमा बीरबल जवेगु, प्रेस संयोजक सेलिङ केसी, यातायात व्यवस्थापन संयोजकमा शिशिर तुम्बापो, स्थानीय कलाकार व्यवस्थापन संयोजकमा साजन फागो, टेण्ट, गेट, स्टेज व्यवस्थापन संयोजकमा रोशन थोप्रा, अतिथि सत्कार व्यवस्थापन संयोजकमा पवित्रा लिम्बू, पःलुङ लि तोङ व्यवस्थापन संयोजकमा किरण लिङ्देन, किनमेल व्यवस्थापन संयोजकमा विक्रम तुम्वापो, मौलिक घर व्यवस्थापन संयोजकमा विक्रम वनेम फागो, महिला व्यवस्थापन संयोजकमा पार्वता सेलिङ रहेका छन् भने मूल समितिमा किराँत याक्थुङ चुम्लुङका शिवसताक्षी अध्यक्ष बीरबल जवेगु रहेका छन् ।
प्रदेश १ स्तरीय चासोक तङनाममा धान नाँच, मेला केलाङ, माङलाङ मेला ,छेलो प्रतियोगिता, धनुकाण प्रतियोगिता समेत हुने बताइएको छ । किराँत याक्थुङ चुम्लुङका अध्यक्ष वीरवल जवेँगुको सभापतित्वमा सम्पन्न पत्रकार सम्मेलनको सञ्चलान सचिव प्रेम शेर्माले गरेका थिए ।
दमक, झापा । याक्थुङ समुदायका प्राज्ञिक व्यक्तित्व तथा बहुआयामिक स्रष्टा सागर केरुङका ६ ओटा महत्वपूर्ण कृतिहरू एकैसाथ विमोचन भएका छन् । याक्थुङ प्रज्ञा प्रतिष्ठान नेपालको आयोजनामा गत बैशाख २६ गते शनिवार पाँचथरको फिदिममा सम्पन्न विशेष...
ललितपुर, ताप्लेजुङस्थित धार्मिक तथा सांस्कृतिक आस्थाको केन्द्र मुक्कुमलुङमा निर्माण गर्न लागिएको केवलकार परियोजनाको विरोधमा काठमाडौँको माइतीघरमा विरोध प्रदर्शन गरिएको छ । याक्थुङ (लिम्बु) समुदायको आस्थाको धरोधर मास्न पाइदैन भन्दै आदिवासी जनजाति महासंघ, किरात याक्थुङ चुम्लुङ...
दमक, झापाको दमक नगरपालिकाको आयोजनामा दोस्रो दमक नगरस्तरीय खेलकुद महोत्सवको उद्घाटन भएकाे छ । आइतबार दमक नगरपालिकाको प्राङ्गगणबाट दमक ७स्थित नमुना व्याट्मिन्टनको सभाहलसम्म विभिन्न झाँकी सहित खेलकुद महोत्सवको उद्घाटन गरिएकाे हो । खेलकुद महोत्सवमा फुटबल,...
फेदेन। पान्थर जिल्लाको फेदेनस्थित होटल सरगमको सभाहलमा सनिवार आयोजित याक्थुङ साहित्यको सिन्थेसिस’ कार्यक्रममा सात जना स्रष्टाका एक दर्जन कृतिहरू एकैसाथ लोकार्पण गरिएको छ । प्रमुख अतिथि किरात याक्थुङ् चुम्लुङ चुम्लुङका सङघीय अध्यक्ष तुत्तु गोविन्द आङ्बुङको...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७