मिक्लाजुङ, ४ पुस । मोरङको मिक्लाजुङ ४ स्थित सिलामसाक्मा चौकमा लिम्बू समुदायको राष्ट्रिय पर्व यले तङबे ५०८१ चासोक तङ्नाम उधौली पर्व मनाउने भएका छन् । पुस ६ गते विविध कार्यक्रम तथा साँस्कृतिक कार्यक्रम सहित भव्य रुपले मनाइने आयोजक किरात याक्थुङ चुम्लुङ वडा समितिले जनाएको छ ।

कार्यक्रममा ख्यातिप्राप्त नेपाली राष्ट्रिय कलाकार दिपक लिम्बू, कुशल थलङ, सिद्धान्त खड्का, दिपना राई र अस्मिता साथै एलिस राईको सांगीतिक प्रस्तुती रहेन कार्यक्रमका संयोजक शुक्र थेगिमले बताए ।

संघीय लोकतान्त्रिक राष्ट्रिय मञ्चका उपाध्यक्ष एवम् प्रदेश न १ का सामाजिक बिकास राज्यमन्त्री माननीय श्री बिष्णु तुम्बाहाङफेज्युको प्रमुख आतिथ्यमा विभिन्न जातीय तथा धार्मिक संस्थाका ब्याक्तित्वहरुको बिशेष आतिथ्यता रहने कार्यक्रममा विभिन्न जातीय झाँकी तथा केलाङ प्रर्दशन हुने बताइएको छ ।