दमक, १४ पुस । नेपाली उपभोक्ता हित संरक्षण महासंघ (एफएनसिपि)को झापा जिल्ला समिति गठन भएको छ । दमकमा महासंघका प्रदेश अध्यक्ष नारायण योङहाङ र महासचिव बिष्णुप्रसाद पोखरेलको उपस्थितिमा महासंघको जिल्ला समिति गठन भएको हो ।

बुधबार उपभोक्ता अधिकारवादीहरुको भेलाले दीपु चापागाई (सन्दिप)को अध्यक्षतामा गठित समितिको समितिको उपाध्यक्ष शिवभक्त शाही, सचिवमा बिरोध सुवेदी, सह–सचिवमा सुरेन्द्र भण्डारी र कोषाध्यक्षमा राधा पोखरेल चुनिएका छन् । गृह मन्त्रालय मार्फत उद्योग, बाणिज्य तथा आपूर्ति मन्त्रालयको रायमा उक्त महासंघ स्थापित भएको हो ।

प्रदेश अध्यक्ष योङहाङले महासंघको प्रदेश १ अन्तर्गतका जिल्ला समितिहरु बिस्तार शुरु भएको बताए । प्रदेशभरका जिल्लाहरुमा महासंघ गठन शुरुगर्ने भन्दै उनले झापामा पहिलो जिल्ला समिति बनेको पनि जनाए । जिल्लापछि स्थानीय तहहरुमा पनि महासंघ बन्नेछ । कार्यक्रममा महासंघकी प्रदेश कोषाध्यक्ष रुपा सेलिङ लगायतको उपस्थिति रहेको थियो ।

कालोबजारी तथा समाजमा रहेका विकृतीहरु बिरुद्ध आवाज उठाउन स्वतन्त्र निकायको रुपमा महासंघ स्थापित भएको महासंघले जनाएको छ ।