काठमाडौं, १८ पुष । प्रतिनिधि सभाको आज बस्ने भनिएको बैठक स्थगित भएको छ । बैठक पुष २२ गतेसम्मका लागि स्थगित भएको हो ।

सत्तारुढ नेकपा माओवादी केन्द्रले महाधिवेशन जारी रहेकाले बैठक स्थगित गरिदिन आग्रह गरेकाले प्रतिनिधि सभा बैठक स्थगित भएको स्रोतले जनाएको छ ।

तालिका अनुसार आज प्रतिनिधिसभाको बैठक दिउँसो १ बजे बस्ने तय भएको थियो । सो बैठकमा थारु आयोगको तेस्रो वार्षिक प्रतिवेदन पेश गर्ने सम्भावित कार्यसूची थियो । तर माओवादी केन्द्रले संसद बैठक स्थगित गरिदिन आग्रह गरेपछि स्थागित भएको भनिएको छ ।

नेकपा माओवादी केन्द्रको आठौं राष्ट्रिय महाधिवेशन यही पुस ११ गतेदेखि आज आठौं दिनसम्म पनि काठमाडौंमा जारी रहेको छ ।