काठमाडौं, १९ पुस । प्रतिनिधि सभाका निलम्बित सांसद रेशमलाल चौधरीले नयाँ दल दर्ताको लागि आज निर्वाचन आयोग पुगेका छन् । सोमबार उनकी श्रीमती रञ्जीता श्रेष्ठ लगायत थारु नेताहरु निर्वाचन आयोग पुगेका थिए । आवश्यक प्रक्रिया पु¥याई मंगलबार सांसद चौधरीका श्रीमती श्रेष्ठको अध्यक्षतामा ‘नागरिक उन्मुक्ति पार्टी’ नामक नयाँ दल दर्ता गरिने बताइएको छ ।

आइतबार भृकुटी मण्डप, माइतीघर मण्डला हुँदै नयाँ बानेश्वरसम्म माननीय रेशमलाल चौधरीलाई रिहाई गर, निर्दोश थारु राजबन्धीहरुको रिहाई गर, अरुलाई उन्मुक्ति थारुलाई सास्ती, लाल आयोगको प्रतिवेदन सार्वजनिक गर, थारुहरु माथिको झुठा मुद्दा खारेज गर लगायतका नारा लेखिएको प्ले कार्ड बोकेर आफ्नो भेषभुषामा प्रदर्शन गरेका थिए । नयाँ बानेश्वरमा माननीय रेशमलाल थारुको रिहाई गर्न कोणसभामा बोल्ने अधिकांशले माग रखेका थिए । कार्यक्रमको अन्त्यमा चौधरीका श्रीमती श्रेष्ठले थारुहरु माथिको आन्यायको विरुद्ध आफ्नै पार्टी खोल्न बाध्य भएको बताइन् ।

त्यसैगरी थारुहरुले सोमबार निर्वाचन आयोगमा विभिन्न बाजागाजा र जातीय झाँकी सहित दल दर्ता गर्न पुगेकाहरुलाई आयोगको गेटभित्र छिर्न दिइएको थिएन । प्रदर्शनकारीहरुलाई आयोगको दक्षिणपट्टी गल्लीमा राखिएको थियो भने ३० जना प्रतिनिधिलाई मात्र प्रवेश गर्न दिइएको थारु अगुवाहरुले बताएका छन् । सो ¥यालीमा चौधरी श्रीमती श्रेष्ठ सहभागी थिइन् ।

नयाँ दलको चुनाव चिन्ह ‘ढकिया’ राखिने चौधरी निकट स्रोतले बताएको छ । हाललाई २१ कार्यकारिणी सदस्य रहनेगरि आयोगमा पार्टी दर्ता गरिने अध्यक्ष श्रेष्ठले बताइन् । उक्त समितिमा थारुका साथै अन्य सबै जातीय क्लस्टरहरुलाई मिलाएर लाने पनि उनले बताइन् ।