लिम्बुवानखबर, २६ पुष । छिमेकी राष्ट्र भारतमा कोरोना भाइरसको संक्रमण अत्यधिक बढ्दै गएपछि सरकारले देशभरका विद्यालय माघ १५ गतेसम्म बन्द गर्ने निर्णय गरेको छ । भारतमा संक्रमण बढेसँगै नेपालमा पनि अत्यधिक बढ्दै गएको हुँदा सरकारले यो निर्णय गरेको हो ।

आइतबार (सीसीएमसीसी) कोभिड–१९ संकट व्यवस्थापन समन्वय केन्द्रको बैठक बसेर माघ १५ गतेसम्म हिउँदे विदा दिदैं देशभरका आधारभूत र माध्यमिक विद्यालय एकैपटक बन्द गर्न आग्रह गरेको छ । बैठकले यस विसम परिस्थितिमा बालबालिका विद्यालय नपठाउन अभिभावकहरुलाई पनि आग्रह गर्ने निर्णय गरेको केन्द्रकी प्रवक्ता सुनीता नेपालले बताइन् ।

हिमाली जिल्लाका कतिपय विद्यालयमा हिउँदे विदा पनि जारी रहेकाले त्यसलाई माघ १५ गतेसम्म लम्ब्याउने गरी निर्णय गरेका हौं, यसले संक्रमणको चेन ब्रेक गर्ने अपेक्षा समेत गरिएको छ’ प्रवक्ता नेपालीले भनिन्, ‘निर्णय कार्यान्वयनका लागि सम्बन्धित मन्त्रालयहरुमा सिफारिस गरिसकेका समेत छौं ।’

यसैगरी सो समयमा १२ देखि १७ वर्षसम्मका विद्यार्थी र १८ वर्षदेखि माथिका शिक्षक, कर्मचारी र अभिभावकलाई खोप लगाउन पनि बैठकले आग्रह गरेको छ ।