तेह्रथुम, २६ पुष । तेह्रथुम जिल्लाको फेदाप गाउँपालिकामा करेन्ट लागेर एकजनाको मृत्यु भएको छ । आज करेन्ट लाग्दा फेदाप १ स्थित महाभीरका ५२ वर्षीय अम्बरबहादुर बस्नेतको मृत्यु भएको हो ।

मृतक बस्नेत महाकाली माध्यमिक विद्यालय फेदाप १ पुल्डुङगका प्रधानाध्यापक हुन् । विद्यालयमा सञ्चालन हुँदै गरेको परीक्षापछि घर आएर घाँस काट्ने क्रममा हाइटेन्सन लाइनमा करेन्ट लाग्दा बस्नेतको मृत्यु भएको पोक्लाबाङ प्रहरी चौकीले जनाएको छ ।

घटनाको जानकारी पाएपछि जिल्ला प्रहरी कार्यालय तेह्रथुमका प्रहरी निरीक्षक कोमल ठाकुरको नेतृत्वमा प्रहरी टोली घटनास्थलमा पुगेको जनाइएको छ ।