दमक, ७ फागुन । संघीय लिम्बुवान प्रान्तीय मञ्च, नेपाल कमल गाउँपालिकाको प्रथम अधिवेशनबाट अध्यक्षमा पुनः अमर माबोहाङ सर्वसहमतिमा निर्वाचित भएका छन् । शनिबार कमलस्थित बाँसबारी सामुदायिक भनवमा आयोजित अधिवेशनले माबोहाङलाई अध्यक्षमा सर्वसहमतिमा चयन गरेको हो ।

संघीय लोकतान्त्रिक राष्ट्रिय मञ्चका अध्यक्ष कुमार लिङदेन मिराकको प्रमुख आतिथ्यता रहेको उक्त कार्यक्रमको उदघाटज सत्रलाई सम्बोधन गर्दै अध्यक्ष लिङदेनले कमल गाउँपालिका अत्यन्तै जागेको, शसक्त पार्टी र संगठनमा लागे प्रति कृतज्ञता प्रकट गर्दै नेता कार्यकर्ताहरुलाई आगामी आन्दोलन र चुनावहरुको सामना गर्न एकजुट भएर लाग्न निर्देशन दिएका छन् । लिम्बुवान नहारेको भूमि हो, जो कहिल्यै हार्न नजान्ने बताउनु हुँदै आगामी स्थानीय निर्वाचनमा चुनाव चिन्ह नदिए ठूलो आन्दोलन समेत हुने चेतवानी दिएका छन् ।

कार्यक्रममा मञ्चका प्रान्तीय उपाध्यक्षहरु थाङसाङ लावती, विष्णुमाया थापा भट्टराई, प्रान्तीय महासचिव दिलकुमार लावती, प्रदेश समन्वय समितिका सचिव भविराज तुम्सा, प्रान्तीय सचिवहरु राजु राई, धनबहादुर पन्धाक, प्रान्तीय सचिवालय सदस्यहरु बलनाथ नाल्बो, सुर्य योक्पाङदेन, दलित मुक्ति मञ्चका उपाध्यक्षहरु बलराम सदा, साजन मोते लगायत संघीय र प्रान्तीय सदस्यहरु, जिल्ला अध्यक्ष नगेन राई लगायत नेताहरुको उपस्थिति रहेको थियो ।

कार्यक्रमको बन्दसत्रले अमर माबोहाङको अध्यक्षतामा नयाँ कार्य समिति चयन गरेको छ । समितिको उपाध्यक्षहरुमा प्रविण राई, तेजु आङदेम्बे, दल्ब माझी, प्रज्वल लिम्बु र योगिन श्रेष्ठ रहेका छन् । त्यसैगरी सचिवहरुमा विजेन्द्र मेन्याङबोे र नर बहादुर केरुङ, सहसचिवमा पुजा कामी र रण हाङगम, अर्थसचिवमा सोम अधिकारी निर्वाचित भएका छन् ।
यसैगरी सदस्यहरुमा अकल नेपाली, राजेन्द्र ताजपुरिया, राजकुमार धिमाल, मुकेश बेस्रा, पूर्ण आङदेम्बे, चन्द्र बि.क., धन बहादुर नेम्बाङ, नरेन्द्र लिम्बु, निर्मला आङदेम्बे, उत्तम लिम्बु, भिम बहादुर लाओती, रमेश फियाक, शान्ती लिम्बु, संजोमी साँवा र सोनु नेम्बाङ निर्वाचित भएका छन् ।