कमल, १९ फाल्गुन । झापा जिल्ला कमल गाउँपालिका वडा नं. ३ का ५४ वर्षिय देउकुमार राई मृत्युसँग लडिरहेका छन् । उनी विगत ३ महिनादेखि उपचार अभावका कारण मृत्युसँग जुधिरहेका छन् ।

पीडि़त राईको कलेजो, मृगौला, जन्डिस लगायत रोगहरुले च्यापेका कारण आर्थिक अवस्था अत्यन्तै कमजोर भएकाले उपचारका लागी असहज भएको हो । हालसम्म ६ लाख रुपैयाँ भन्दा बढी खर्च भएकोहुँदा श्रीमानको उपचार कसरी गर्ने भन्ने चिन्ता भईरहेको श्रीमती कमलदेवी राईले बताइन् ।

अब थप उपचार गर्न ३० देखि ३५ लाख रुपैयाँ लाग्ने डाक्टरको भनाइले आफूलाई अत्यन्तै गाह्रो भएको उनले बताइन् । यतिका ठूलो रकम जुटाउन असमर्थ भएको जनाउँदै बिरामीका श्रीमतीले आफ्नो श्रीमानको जिवन बचाइ दिन आव्हान गरेकी छन् ।

थप उपचारको लागि हाल काठमाडौं निदान अस्पतालमा उपचार गराईरहेको राईको जिवन बचाउन श्रीमती कमलादेवीले आव्हान गरेकि छिन् । बिरामीलाई सम्पर्क गर्न इच्छुक शुभचिन्तकहरुले मोवाइल नम्बर ९८१८२९५०४९ मा सम्पर्क गर्न अनुरोध समेत गरेका छन् ।