ललितपुर, २३ फाल्गुन । संघीय लोकतान्त्रिक राष्ट्रिय मञ्च अन्तर्गतको संघीय लिम्बुवान प्रान्तीय मञ्च, नेपाल ललितपुर जिल्ला विशेष कार्य समिति चयन भएको छ । आज आइतबार ललिपुरस्थित युङचा हिममा आयोजित प्रथम जिल्ला अधिवेशनले यक्सोको अध्यक्षतामा कार्यसमिति चयन गरेको हो ।

मञ्चका संघीय अध्यक्ष कुमार लिङदेन मिराकको प्रमुख आतिथ्यता रहेको कार्यक्रममा मञ्चका उपाध्यक्ष विष्णु यक्सो विशिष्ट तिथिको रुपमा उपस्थित रहनु भएको थियो । कार्यक्रममा मञ्चका संघीय सचिव चन्द्र कन्दङवा, अर्थसचिव सूर्यमान आङबुहाङ, सह–सचिव सागर केरुङ् लगायत नेताहरुले नवनिर्वाचित समितिलाई बधाइ दिएका थिए ।

आज आयोजित अधिवेशनले अध्यक्ष यक्सोसँगै उपाध्यक्षहरुमा धनहाङ आङबुहाङ, गंगा लिवाङ मादेन, सचिवमा रमेश लक्सम, सहसचिवमा सन्ध्या राई, अर्थसचिवमा असिम नेम्बाङ् निर्वाचित भएका छन् ।

यसरी नै सदस्यहरु चित्रबहादुर सिगु, सुभाङ्सिङ नेम्बाङ, नवीन राइ, अमृत जबेगु, प्रकाश चेम्जोङ, खगेन्द्र आङ्बुहाङ, राजेन्द्र यक्सो, निमा तामाङ, कृष्ण लामा, शिवलाल तामाङ, आशिष राई, पल राई, सनम शेर्पा र सन्देश सेनेहाङ निर्वाचित भएको काठमाडौं उपत्यका अध्यक्ष मिक्तोक इवाले बताए ।

कार्यक्रममा मञ्चको संघीय तथा तामाङसालिङ मञ्च, शेर्पा प्रान्त र काठमाडौं उपत्यकाका नेताहरुको उपस्थिति रहेको थियो ।