पाँचथर – फालेलुङ गाउपालिकामा आनिपान भाषा शिक्षकहरुका लागि ३ दिने तालिम आजदेखि सुरु भएको छ ।

फालेलुङ गाउपालिकाको केन्द्र थोक्लिम्वामा सुरु भएको तालिममा फालेलुङका विभिन्न विद्यालयहरुमा कार्यरत २० जना भन्दा वढि आनिपान भाषा शिक्षकहरुको सहभागिता रहेको जनाइएको छ । तालिमको सहजिकरण लिम्वु भाषा विकास संस्था (लिल्डा) का अध्यक्ष दिलेन्द्र कुरुम्वाङले गरिरहनु भएकको छ ।फालेलुङ गाउपालिकाको सहयोगमा किरात याक्थुङ चुम्लुङ गाउकार्य समिति फालेलुङको आयोजनामा तालिम शुरु भएको हो ।

तालिमको उद्घाटन प्रमुख अतिथि आसनबाट फालेलुङ गाउपालिका अध्यक्ष सन्च कुमार केरुङले गर्नुभएको थियो । तालिमको उद्घाटन समारोहमा फालेलुङ गाउपलिकाका उपाध्यक्ष हिमा अधिकारि फालेलुङ गाउपालिको प्रमुख प्रसाशकिय अधिकृत विनोद कुमार चौहान र फालेलुङ ३ का वडा अध्यक्ष विर वित्रम थाम्सुहाङको सहभागिता रहेको थियो ।

तालिमको उद्घाटन कार्यक्रम किरात याक्थुङ चुम्लुङ गाउकार्य समिति फालेलुङका अध्यक्ष कुमार केरुङको अध्यक्षतामा सम्पन्न भएको सचिव गगन जवेगुले वताउनुभएको छ ।