काठमाडौं, ३० फाल्गुन । संघीय लोकतान्त्रिक राष्ट्रिय मञ्च अन्तर्गत संघीय शेर्पा प्रान्तीय मञ्च, नेपालले काठमाडौं बौद्धस्थित शेर्पा गुम्बामा ल्होसारको शुभकामना आदानप्रदान कार्यक्रम गरेको हो ।

बौद्ध धर्मगुरु सेर्कोङ रिन्पोक्षेको प्रमुख आतिथ्यतामा भएको कार्यक्रममा संघीय मञ्चका उपमहासचिव दिपा आदाङमा गंगा, संघीय सचिवहरु चन्द्र कन्दङवा लावासा, दिलकुमार लावती, संघीय सचिवालय सदस्य एविश्चा लाबुङ, संघीय सदस्यहरु प्रयास बान्तवा, सरस्वता लिङदेन, काठमाडौं उपत्यका अध्यक्ष मिक्तोक इवा, मुख्य सचिव रन्धोज ताम्लीङ, अर्थसचिव निसा लिम्बु लगायत नेताहरुको सहभागीता रहेको उक्त कार्यक्रममा शेर्पा प्रान्तका नेताहरुको बाक्लो उपस्थिति रहेको थियो ।

शेर्पा जातीहरुको महान चार्ड ल्होसारको अवसर पारेर आयोजित उक्त कार्यक्रममा शेर्पा कलाकारहरुले विभिन्न जातीय परम्पराका नृत्य र गीत प्रस्तुत गरेका थिए । कार्यक्रममा काठमाडौं, भक्तपुर, ललितपुर, रामेछाप, दोलखा, सिन्धुपाल्चोक, संखुवासभा लगायत विभिन्न जिल्लाका शेर्पा जातीहरुको उपस्थिति रहेको थियो ।
कार्यक्रममा मञ्चका नेताहरुले शुभकामना मन्तव्य राखेका थिए भने धर्मगुरुबाट धार्मिक प्रवचन समेत राखिएको थियो ।

संघीय शेर्पा प्रान्तीय मञ्चका अध्यक्ष तेम्डी शेर्पाको अध्यक्षतामा भएको कार्यक्रममा स्वागत मन्तव्य दावा शेर्पाले राखेका थिए भने संचालन उपाध्यक्ष निमा शेर्पाले गरेका थिए ।

यसैगरी उक्त शुभकामना आदानप्रदान कार्यक्रममा विभिन्न पार्टी परित्याग गरि शेर्पा प्रान्तीय मञ्चमा प्रवेश गरेका छन् । प्रवेश गर्नेहरुमा सुकराम तामाङ दोलखा, दावा ग्याल्बो लामा, साङतेम्बा शेर्पा, निम्फुन्जो शेर्पा, सुञ्ज्यू शेर्पा भुजेल, याङजुम दोङ, टाशी डोल्मा शेर्पा, कामी शेर्पा, लिलादेवी तामाङ, साङडोमा शेर्पा, दावा तामाङ गोले, प्रवेश तामाङ, दोर्जे शेर्पा, अनुशा शेर्पा, डोल्मा लामा शेर्पा, सुक्र बहादुर शेर्पा र निमा लमु तामाङ रहेका छन् ।

उनीहरुलाई मञ्चमा संघीय उपमहासचिव र शेर्पा प्रान्तीय मञ्चका अध्यक्षबाट खादा अर्पण गर्दै मञ्चमा स्वागत गरिएको थियो ।