दमक, १२ चैत । दमकमा आज सञ्चालित खुला रक्तदान कार्यक्रममा ६३ पिन्ट रगत संकलन भएको छ । दमक ६ स्थित बिश्वासिलो बचत तथा ऋण सहकारी संस्थाले आफनो ११ औ बार्षिकोत्सवका अवसर पारेर स्थानीय गणतन्त्र चौकमा आयोजित रक्तदानमा १२ महिलासहित ६३ जनाले रगतदान गरेका थिए ।

नेपाल रेडक्रस सोसाईटी दमक उपशाखाको रक्तसञ्चार सेवा केन्द्रको प्राविधिक सहयोगमा भएको रक्तदानमा सहकारीका अध्यक्ष असिम राई, सचिव सुमन थुलुङ,सल्लाहकार संयोजक बिक्रम थाङदेन लगायतले रगतदान गरेका व्यवस्थापक हरिप्रसाद दाहालले बताए ।

सहकारीले आफनो बार्षिकोत्सवका अवसरमा रक्तदानसहित विभिन्न सामाजिक कार्यहरु गरिआएको अध्यक्ष असिम राईले बताए । रक्तदाताहरुलाई प्रंशसापत्र समेत वितरण गरिएको थियो ।

१ हजार २७५ जना शेयर सदस्य रहेको सो सहकारीको शेयर पूंजी १ करोड २० पुगेको छ । सहकारीले हालसम्म करिव २ करोड ऋण लगानी गर्न सफल भएको व्यवस्थापक दाहालले बताए ।