काठमाडौं, १८ चैत । संघीय लोकतान्त्रिक राष्ट्रिय मञ्च उपत्यका समिति र संघीय महिला मञ्च, नेपाल उपत्यका समितिको संयुक्त आयोजनामा रक्तदान कार्यक्रम सम्पन्न भएको छ । शुक्रबार काठमाडौं ३२ शम्भूमार्गस्थित कान्तिपुर हस्पिटल रक्तसंचार सेवासँगको सहकार्यमा रक्तदान कार्यक्रम गरिएको हो ।

मञ्चका उपाध्यक्ष विष्णु यक्सोको प्रमुख आतिथ्यतामा आयोजित रक्तदान कार्यक्रममा चार दर्जन भन्दा धेरैले रक्तदान गरेका थिए । कार्यक्रममा मञ्चका संघीय सचिव चन्द्र कन्दङ्वा, शेर्पामञ्चका उपाध्यक्ष निमा शेर्पा, तामाङसालिङ महासचिव अजय तामाङ्, दलित मुक्तिमञ्चका ज्ञान बहादुर नेपाली, संघीय सदस्य डम्बर यक्सो, उपत्यका अध्यक्ष मिक्तोक लिम्बु, उपाध्यक्ष विशाल राई लगायत नेताहरुको उपस्थिति रहेको थियो ।

कार्यक्रम महिला मञ्चकी अध्यक्ष पासाङ लामाको अध्यक्षता साथै उपत्यका समितिका मुख्य सचिव रन्धोज ताम्लिङकाे संचालनमा भएको थियो ।