दमक, २७ चैत । संघीय लिम्बुवान प्रान्तीय मञ्च, नेपाल अन्तर्गत लिम्बुवान भोलेन्टियर्स प्राईमेरी कमाण्डर र सेल कमाण्ड नियुक्त गरिएको छ । उपाध्यक्ष तथा एल.भी. केन्द्रीय कमाण्डर थाङसाङ लावतीको प्रमुख आतिथ्यतामा शनिबार केर्खामा आयोजित कार्यक्रमले १२ जनालाई कमाण्डरको जिम्मेवारी दिइएको हो ।

कार्यक्रममा विशिष्ट अतिथि प्रान्तीय सचिवालय सदस्य बल नाथ नाल्बो, सूर्य प्रसाद याक्पादेन लगायत नेताहरुको उपस्थितिबाट ४ जनालाई प्राईमेरी कमाण्डर र ८ जनालाई सेल कमाण्डर नियुक्ती गर्दै पत्र–प्रदान साहित सम्मान गरिएको छ ।

प्राईमेरी कमाण्डरहरुमा जीत बहादुर चेम्जोङ, मनी कुमार चेम्जोङ, मोहन चन्द्र कार्की र विक्रम सेर्मा लिम्बु चयन भएका छन् । यसैगरी सेल कमाण्डरहरुमा पंच राम मांझी, शुकु बहादुर सेर्मा, इप्सन पाण्डे, जगत धिमाल, पूर्ण लिम्बु, रोजीना सुनाम, डम्बरु प्रसाद पौडेल र महेन्द नाल्बो नियुक्ति भएको प्रान्तीय सदस्य तथा एलभी सिनियर कमाण्डर बसन्तराज सुब्बाले जानकारी दिएका छन् ।

त्यस्तैगरी सोही कार्यक्रमले कमल वार्ड नं. २ कमिटीमा वरिष्ठ उपाध्यक्ष खड़क बहादुर लिम्बु र सदस्यमा विनु चेम्जोङ, दिल कुमारी लिम्बुलाई मनिोनित गरिएको छ ।
उक्त कार्यक्रममा अतिथि संघीय खसान मञ्चका उपाध्यक्ष भीम कार्की, एल. भि केंद्रीय उपकमाण्डर मंडेम लिम्बु, क्षेत्रीय उपाध्यक्ष इन्द्र सोदेम्बा , क्षेत्रीय सचिब तीर्थ पोमु लिम्बु, क्षेत्रीय सदस्य अशोक राई, कमल सचिब विजेंद्र मेन्याङबो लगायत नेताहरुको सहभागिता रहेको थियो ।

कार्यक्रम सिनियर फिल्ड कमाण्डर देवेन्द्र लिम्बुको सभापतित्व, कमल अध्यक्ष मावोहाङ अमर लिम्बुको स्वागत मन्तव्य र सचिब नर बहादुर केरुङको संचालनमा सम्पन्न भएको थियो भने कार्यक्रमको विशेष सहजिकरन केंद्रीय सीनियर उपकमाण्डर तथा क्षेत्र ५ इंचार्ज बसन्त राज योङहाङले गरेका थिए ।