दमक, १७ वैशाख । चर्चित गायक राजेश पायल राईको स्वरमा सजिएको विल्कुलै नयाँ गीत ‘टोड्के कुसुण्डे’ बोल गीतको भिडियो सार्वजनिक भएको छ । फिल्म निर्देशक तथा युवा नेता अशोक चेम्जोङको रचना तथा संगीत रहेको गीत आज यूट्युवबाट सार्वजनिक गरिएको हो ।

थैली इन्टरटेटमेन्टको यूट्युव च्यानलबाट सार्वजनिक गरिएको गीतको निर्देशन किरण चाम्लिङ् राईको रहेको छ भने एरेन्ज कन्दन राईको छ । मुन्धुम स्टुडियोमा स्वराङ्कन गरिएको गीतलाई बादल लिम्बुले एरेन्ज गरेका छन् ।

पूर्वका चर्चित छाँयाकार भुपेन्द्र तुम्बाहाम्फेलाई पहिलो पल्ट कलाकारको रुपमा देखिने यो भिडियामा पुष्पा लिम्बु, विष्णु मोक्तान र शर्मिला याक्सोको समेत अभिनय हेर्न सकिनेछ । त्यसैगरी भिडियोमा अन्य कलाकारहरु सुर्य तुम्सा, सुमन आङदेम्बे, पन्च लावती, चुजन आङदेम्बे, सन्ध्या लिम्बु, शेरबहादुर तुम्सा र नगेन्द्र आङदेम्बे समेतको अभिनय रहेको छ ।

मिक्लाजुङको विभिन्न रमणीय स्थानहरुमा छायांकन गरिएको उक्त गीतलाई सुमन तामाङ र बोगेन्द्र याम्फूले खिचेका छन् भने ड्रोनमा उज्वल तामाङले साथ दिएका छन् । भिडियोलाई अनिल रानाल इडिटिङ् गरेका छन् ।

भिडियाे तल हेर्नुहाेस्ः