कतार, ३ मे २०२२ । संघीय लोकतान्त्रिक राष्ट्रिय मञ्च नेपालका संघीय सदस्य कुमारसिं योङहाङको संयोजकत्वमा १७ सदस्यीस संघीय लोकतान्त्रिक सामाजिक मञ्च (सलोसाम) कतारको तदर्थ समिति गठन भएको छ ।
उक्त तदर्थ समितिले पहिचानमा आधारित लिम्बुवान सहित किरात खम्बुवान, तामाङसालिङ, शेर्पा, नेवा, मगरात, तमुवान, मधेस, थारुहट, खसान र दलित मुक्ति मञ्च लगायत (१०+१) प्रान्तलाई समेटी ६ महिना भित्रमा प्रथम अधिवेशन गर्ने विज्ञप्ती मार्फत उल्लेख गरेको छ ।
सलोसा मञ्चले संलोरामको नेपालको राजनैतिक कार्यनितीलाई अंगिकार गर्दै ऐतिहासीक पृष्टभुमी र पहिचानको आधारमा संघीय प्रान्तहरु स्थापनाको लागि बुलन्द आवाज उठाउनका साथै संगठनका गतिविधीहरुमा एक्युवद्धता जनाउने छ भने यस मञ्चले कतारमा रहेको अन्य वैचारिक संगठन, सामाजिक संघसंस्थाहरु, नेपाली नागरिक समुदाय, वैदेशिक रोजगारमा रहेका सवै नेपाली दाजुभाइ दिदीबहिनीहरुसंग एकापसमा समन्वयात्मक भुमिका र सहकार्य गर्नका साथै सामाजिक क्रियाकलाप, मानविय सहयोग, खेलकुद, सांस्कृतिक, धार्मिक एवं अन्य विविध क्षेत्रहरुमा रहेका नेपाली समुदायसंग हातेमालो गर्दै आफनो सांगठनिक सामथ्र्यलाई निरन्तर अगाडी बढाउने भनि संयोजक योङहाङ द्धारा हस्ताक्षर गरिएको विज्ञप्तीमा खुलाईएको छ ।
विज्ञप्ति अनुसार समितिको संयोजमा योङहाङसँगै उपाध्यक्षहरुमा पर्शुराम चौधरी, युवराज वेघा, यतुकुमार सम्बाहाम्फे, रेखा राई खामसामा, घनेन्द्र चेम्जोङ रहेका छन् भने महासचिवमा भविन्द्र तुम्बापो (ताङसाहाङ) चयन भएका छन् । यसैगरी उपमहासचिवमा होम फियाक, सचिवमा टिका मिभक, अर्थसचिवमा दिपेन चेम्जोङ, सह–अर्थसचिवहरुमा उद्व दर्नाल र तनुजा तामाङ् चयन भएका छन् ।
यसरी नै समितिका सदस्यहरुमा मञ्जु साँवा, सञ्जकुमार चाम्लिङ, सुमी गुरुङ, चन्द्रकला तामाङ, अञ्जु राई, तेज थेवे र डम्बर लिवाङ रहेका छन् । समितिको सल्लाहकारहरुमा प्रेम आङबुहाङ र सीताराम थेवे चयन भएका छन् ।
Related