चुलाचुली, ९ जेठ । संघीय लोकतान्त्रिक राष्ट्रिय मञ्च, लिम्बुवानबाट गत वैशाख ३० गते सम्पन्न स्थानीय निर्वाचनबाट चुलाचुली १ वडामा निर्वाचित जनप्रतिनिधिहरुले किरात सिरिजङ्गा लिपि पढेर सफल लिएका छन् । दोस्रो पटक निर्वाचित भएका वडाध्यक्ष पूर्ण लावती (ध्रुव) र उनीसँगै निर्वाचित चार वडा सदस्यहरुले लिपिबाटै सफल लिएका हुन् ।

आज पालिकामा अध्यक्ष राजेन्द्र केरुङ्ले उनीहरुलाई सफत गराएका हुन् । सफलग्रहण पश्चात वडाकार्यपालिकाको कार्यालयमा अध्यक्ष लावतीले पदभार ग्रहण गरेका छन् । वार्डका सबै दलका नेताहरु, विभिन्न दलहरुबाट वडाध्यक्षका प्रत्यासी लगायत मञ्चका नेताहरुको समेत पदभारकार्यक्रममा उपस्थिति रहेको थियो । सो क्रममा वडाका कर्मचारीहरुले समेत नव निर्वाचित जनप्रतिनिधिहरुलाई बधाई तथा शुभकामना व्यक्त गरेका छन् ।

ईलाम चुलाचुली १ का विभिन्न भाषा, धर्मावलम्वी, संस्कार संस्कृतिको संरक्षण, सम्वर्द्धन,देखि सबै संघसंस्था, शिक्षा, स्वास्थ्य, खानेपानी, विजुली, सडक, खेतीका लागि सिंचाई लगायत भौतिक पूर्वधार विकासका काममा वडाबासी जनताको हितको लागि राम्रो काम गर्ने वडाध्यक्ष लावतीले प्रतिबद्धता गरेका छन् । उनले पुनः दोस्रो कार्यकालको लागि वडाध्यक्षमा निर्वाचित गराउनु हुने सम्पूर्ण वडावासीहरुलाई धन्यवाद समेत व्यक्त गरेका थिए ।

२०७४ सालको निर्वाचनमा पनि मञ्चले सो वार्डमा प्यानल नै विजयी भएको थियो । पूर्वमा पहिचानको मुद्दालाई निरन्तर उठाईरहेको मञ्चले अन्य जिल्लाहरुमा समेत वडाध्यक्ष लगायत सदस्यहरु जितेको छ । लिम्बुवान सहितको १०+१ प्रान्त बन्नु पर्छ भनी निरन्तर आन्दोलित पार्टी २०७० सालको दोस्रो संविधानसभाको चुनाव बाहेक सबै चुनावहरुमा भाग लिइरहेको दल हो ।