काठमाडौं, ४ असार । संघीय लोकतान्त्रिक राष्ट्रिय मञ्च अन्तर्गतको संघीय नेवाः प्रान्तीय मञ्च, नेपालको तदर्थ समिति गठन भएको छ । शनिबार काठमाडौंस्थित कालिकास्थानमा एक कार्यक्रमका बिच सुरज श्रेष्ठको अध्यक्षतमा तदर्थ समिति गठन भएकाे हो ।

मञ्चका उपत्यका अध्यक्ष मिक्तोक इवा र मुख्य सचिव रन्धोज ताम्लिङकाे उपस्थितिमा तदर्थ समिति गठन भएको छ । उक्त समितिको उपाध्यक्षमा लक्ष्मी श्रेष्ठ, सचिव मञ्जु राना मगर, अर्थसचिवमा तायो राई चुनिएका छन् ।

त्यस्तै, उक्त कार्यक्रमले सदस्यहरुमा प्रदिप लामा, लवकुमार श्रेष्ठ, हेमन्त सिक्देल, ज्ञानकुमार श्रेष्ठ, धर्म महर्जन, उपा श्रेष्ठ, कुमार श्रेष्ठ र सरस्वती श्रेष्ठ रहेका छन् । अब संगठनलाई थप गर्दै अघि बढ्न चाडै अधिवेशनको तयारी गर्ने मुख्यसचिव ताम्लिङले बताएका छन् ।