लिम्बुवाखबर, ७ असार । राष्ट्रिय परीक्षा बोर्डले २०७८ को माध्यमिक शिक्षा परीक्षा (एसईई)को नतिजा यहि असार मसान्तभित्र सार्वजनिक गर्ने भएकोे छ । वोर्डले नतिजा सार्वजनिक गर्न तिब्र रुपमा काम गरिरहेको जनाएको छ ।
बोर्डका अध्यक्ष डा. महाश्रम शर्माका अनुसार समयमा नै नजिता सार्वजनिक गर्न आवश्यक कार्य भईरहेको हुँदा कुनै प्राविधि समस्या नआए आगामी ३२ गते नजिता सार्वजनिक गर्ने बताए ।
उत्तरपुस्तिका परीक्षण सम्पन्न भई सुरपरिवेक्षणको काम अन्तिम चरणमा भईरहेको साथै रुजु गर्दै कम्प्यूटर इन्ट्रीको काम भईरहेको स्रोतले जनाएको छ । स्रोतका अनुसार असार २० सम्ममा प्राप्ताङ्क इन्ट्री गर्ने, २१ र २२ मा मिस म्याच गर्ने र २३ देखि २९ गतेसम्म टेबुलेसन गर्ने र ३२ मा नतिजा सार्वजनिक गर्ने कार्ययोजना बनाइएको बताइएको छ ।
कोरोनाका कारण दुई वर्ष आन्तरिक मूल्याङ्कनबाट नतिजा सार्वजनिक गरेकाे बाेर्डले एसइईको नजिता दुई वर्षपछि बोर्डले विद्यार्थीको भौतिक उपस्थितिमै गत वैशाख ९ देखि २० गतेसम्म परीक्षा सञ्चालन गरेर ल्याउन लागेको हो ।
यस बर्ष दुई हजार सात परीक्षा केन्द्रबाट ११ हजार ६१५ विद्यालयका दुई लाख ५७ हजार ९२४ छात्रा र दुई लाख ५७ हजार ५३ छात्र गरी पाँच लाख १४ हजार ९७७ परीक्षार्थीले परीक्षामा समेल भएको परिक्षा नियन्त्रक अर्जुन रायमाझीले जनाएका छन् ।