जसपाका तीन मन्त्री फेरिए, राजेन्द्र श्रेष्ठ भने यथावत

 लिम्बुवान न्युज
                       


जनता समाजवादी पार्टी(जसपा)ले तीन मन्त्रीहरुलाई फिर्ता बोलाएर नयाँ पठाएको छ । मन्त्री राजेन्द्र श्रेष्ठ यथावत रहेका छन् ।
सोमबार मन्त्रीहरु महेन्द्र राय यादव, रेणु यादव र रामसहायप्रसाद यादवलाई फिर्ता बोलाएको छ भने आजै मृगेन्द्रकुमार सिंह यादवलाई कृषि तथा पशुपन्छी विकास मन्त्रालय, मोहमद इस्तियाक राईलाई भौतिक पूर्वाधार तथा यातायात मन्त्रालय र प्रदीप यादवलाई वन तथा वातावरण मन्त्रालयको जिम्मेवारीमा पठाएको हो ।
जसपाले सामान्य प्रशासन तथा संघीय मामिला मन्त्रालयको जिम्मेवारीमा रहेका राजेन्द्र श्रेष्ठलाई भने सोही मन्त्रालयमा यथावत राखेको छ ।
सोमबार राष्ट्रपति कार्यालयले जारी गरेको विज्ञप्तिमा मन्त्रिपषिद्को नयाँ रोष्टरमा जसपाबाट पठाइएका नयाँ तीन मन्त्रीको नाम समावेश गरेको छ । उनीहरुले आजै राष्ट्रपति विद्या देवी भण्डारीबाट पद तथा गोपनीयताको सफथ लिएका छन् भने अाजै मन्त्रालयमा पुगेर पदभार समेत ग्रहण गरेका छन् ।
जसपाभित्र पार्टी अध्यक्ष उपेन्द्र यादव पक्ष र संघीय परिषद् अध्यक्ष डा. बाबुराम भट्टराई पक्षबीच सहमतिमै पार्टी विभाजनका लागि तयार रहेको विषय सार्वजनिक भइरहेका बेला मन्त्री हेरफेर हुनुलाई चासोका साथ हेरिएको छ ।

सम्बन्धित समाचार

चर्चासँगै विवादमा रहेकाे ‘दमक भ्यू टावर’मा भ्रष्टाचार भएको स्थानीय पत्रकारले लगाए आराेप

दमक, २६ असार । झापाको दमकमा अवस्थित ‘भ्यू टावर’ मा सङ्गठित भ्रष्टाचार भएको भन्दै सरोकारवालाहरूले छानबिनको माग गरेका छन् । दमक ५ का स्थानीय तथा सञ्चारकर्मी अबिन मेयाङ्ग्वोले बुधबार संवाद डबलीमा पत्रकार सम्मेलन गरेर भ्यू...

मेचु धिमालकाे म्युजिक भिडियो ‘आदाङ्बे सेवारो’ सार्वजनिक

दमक, २४ असार । लिम्बू भाषामा तयार पारिएको नयाँ म्युजिक भिडियो ‘आदाङ्बे सेवारो’ आइतबार सार्वजनिक गरिएको छ। गायिका तथा निर्देशक मेचु धिमालको युट्युब च्यानलमार्फत भिडियो सार्वजनिक गरिएको हो । गीतमा असित थेगिम र यासेली योङहाङको...

काङसोरे पुरस्कार स्व. इमानसिङ् चेम्जोङ्लाई

ललितपुर, २१ असार । लिम्बुवान नागरिक समाज यूकेले तिन बर्षमा प्रदान गर्दै आईरहेको काङ्सोरे पुरस्कार इतिहासकार, साहित्यकार, भाषाविद् स्व इमानसिंह चेम्जोङलाई प्रदान गरेको छ । यस वर्ष स्व.चेम्जोङलाई मरणोपरान्त पुरस्कार प्रदान गरिएको हो । शनिवार...

फक्ताङलुङ सांस्कृतिक मञ्चको अध्यक्षमा मोहन मादेन निर्वाचित

ललितपुर, २१ असार । फक्ताङलुङ सांस्कृतिक मञ्चको पाँचौं राष्ट्रिय महाधिवेशन सम्पन्न भएको छ । ललितपुरस्थित किरात याक्थुङ चुम्लुङको संघीय कार्यालयमा शनिबार मोहन मादेनको अध्यक्षतामा नयाँ कार्य समिति चयन गठन भएको हो । नेपाल प्रज्ञा प्रतिष्ठानका...