लिम्बु भाषा अध्ययन गर्ने छात्र, छात्राहरुलाई शैक्षिक सामग्री वितरण

,   लिम्बुवान न्युज
                       


दमक, भदौ २० । दमक नगरपालिका वडा न.ं ७ मा रहेको श्री पृथ्वी मा. वि.मा ऐच्छिक लिम्बु भाषा अध्ययन गर्ने छात्र छात्राहरुलाई सोमबार शैक्षिक सामग्री वितरण गरिएकोछ ।
सामुदायिक विद्यालयमा ऐच्छिक विषय लिम्बु भाषा अध्ययन गरिरहेका विद्यार्थीहरुको मनोवल उच्च बनाउन प्रोत्साहन गर्नको निमित्त किरात याक्थुङ् चुम्लुङको ३४ औं स्थापना दिवसको अवसरमा शैक्षिक सामग्री वितरण गरिएको हो ।
शैक्षिक सामग्री लिम्बु भाषा अध्ययन गरिरहेका ९० जना विद्यार्थी छात्र, छात्राहरुलाई कार्यक्रमका प्रमुख अतिथि किरात याक्थुङ् चुम्लुङका पुर्व केन्द्रीय उपाध्यक्ष तथा जिल्ला सल्लाहकार समाजसेवी धिरेन लावती, कियाचु संघीय सदस्य इक्सा सम्बाहाङ्फे, दमक नगरपालिका वडा न.ं ७ का वडा अध्यक्ष भिमप्रसाद पौडेल, कियाचु लिम्बुवान प्रदेश सदस्य कविन्द्र सेर्मा, पृथ्वी मा.वि. व्यवस्थापन समिति अध्यक्ष मोहन कुमार थापा, पृथ्वी मा. वि. का प्रधानाध्यापक विष्णुकुमार राई लगायतले शैक्षिक सामग्री र लिम्बु भाषा साहित्य प्रतिष्ठान दमक–१ का अध्यक्ष सेसेमी से–नाल्वोद्वारा लिखित लिम्बु भाषा वर्णमाला संयुक्त रुपमा वितरण गरिएको थियो ।

किरात याक्थुङ् चुम्लुङ झापा शाखा, कियाचु दमक नगर शाखा र लिम्बु भाषा साहित्य प्रतिष्ठान दमक–१ झापाद्वारा संयोजन र आयोजना गरिएको सामग्री वितरण कार्यक्रममा प्रमुख अतिथि धिरेन लावती, विशिष्ठ अतिथि वडा अध्यक्ष भिमप्रसाद पौडेल, अतिथि इक्सा सम्बाहाङ्फे, राष्ट्रिय चुम्लुङ् सदस्य गुमानसिं सम्बाङ्फे, कियाचु लिम्बुवान प्रदेश सदस्य कविन्द्र सेर्मा, याक्थुङ् लेखक संघका केन्द्रीय कोषाध्यक्ष साङ्सेन पन्धाक, पृथ्वी मा.वि.का प्रधानाध्यापक विष्णुकुमार राई लगायतले लिम्बु भाषाको अध्ययनले विद्यार्थीहरुलाई गुणस्तरीय शिक्षा प्राप्तीमा बल पुग्ने कुरामा जोड दिनुहुँदै स्थानीय सरकार, विद्यालय र अभिभावक मिलेर विद्यालयमा लिम्बु भाषा लगायत अन्य भाषालाई समेत यसरी अध्ययन गराउँदै जाने वातावरण निर्माण गर्न सके जातिय सद्भाव, भाषिक सद्भाव र मेलमिलाव बढ्दै जानेछ भन्ने कुरामा जोड दिनुभयो । भाषा कसैको पेवा नुहने कुरा प्रष्ट पार्नुहुँदै वहाँहरुले विभिन्न अवसर पारेर संघ–संस्थाले शैक्षिक लगायत अन्य विविध कुरामा विद्यालयलाई र पढ्ने विद्यार्थीहरुलाई यसरी प्रोत्साहन गर्दै लैजान सके निश्चय पनि भाषाको विकास हुँदै जाने कुरामा जोड दिनुभयो ।

पृथ्वी मा.वि. मा कार्यरत लिम्बु भाषा शिक्षक दिपेन्द्र सेलिङ्ले पृथ्वी मा.वि. मा लिम्बु भाषा अध्ययन र विद्यार्थीहरुको चासोका विषयहरुको सन्दर्भमा प्रष्ट्याउनुभएको थियो भने कवि साङ्सेन पन्धाकले विद्यार्थीहरुलाई प्रोत्साहित गराउने ज्ञानगुण र सन्देशमुलक गजल र रुवाई पस्कनुभएको थियो ।

कार्यक्रमको आयोजक तथा संयोजन संस्था किरात याक्थुङ् चुम्लुङ् जिल्ला शाखा अध्यक्ष सेसेहाङ् फियाक लिम्बु, कियाचु दमक नगर अध्यक्ष देवेन्द्र चेम्जोङ्, लिम्बु भाषा साहित्य प्रतिष्ठान दमक–१ का अध्यक्ष सेसेमी सेनाल्वो, सचिव रचना लावतीको विशेष उपस्थिति रहेको थियो भने कार्यक्रमको अध्यक्षता पृथ्वी मा.वि. व्यवस्थापन समिति अध्यक्ष होमकुमार थापाले गरेका थिए ।
पृथ्वी मा.वि.को सभाहलमा सम्पन्न शैक्षिक सामग्री वितरण कार्यक्रमलाई पत्रकार डिल्लीश्वर मुसाहाङ् लिम्बुले सञ्चालन गर्नुभएको थियो ।

सम्बन्धित समाचार

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

दमक–चिसापानी सडक निर्माणका लागि महालक्ष्मी–जय धनन्जय जेभी छनोट

झापा/दमक — लामो समयदेखि पर्खाइमा रहेको दमक–चिसापानी (फाल्गुनन्द मार्ग) सडक निर्माणका लागि नयाँ ठेकेदार कम्पनी छनोट भएको छ। सडक विभागअन्तर्गत संघीय सडक सुपरीवेक्षण तथा अनुगमन कार्यालय, इटहरीको सडक डिभिजन दमकले ठेक्का स्वीकृतिको प्रक्रिया अघि बढाउँदै...

झापा महिला गोल्डकप फुटबलको दोस्रो संस्करण मंसिर ५ देखि, विजेताले ११ लाख पाउने

दमक, ९ कार्तिक । झापा महिला गोल्डकप अन्तर्राष्ट्रिय आमन्त्रण फुटबल प्रतियोगिताको दोस्रो संस्करण आगामी मंसिर पहिलो साताबाट आयोजना हुने भएको छ। आयोजक झापा महिला गोल्डकपले आइतबार पत्रकार सम्मेलन गर्दै प्रतियोगिता मंसिर ५ गतेदेखि १२ गतेसम्म...

लिम्बू र मैथिली सहित १३ राष्ट्रभाषाले पाए सरकारी कामकाजको मान्यता: भाषा विधेयक सर्वसम्मतिले पारित

विराटनगर, २४ असोज/ प्रदेश १ कोशी प्रदेशमा भाषिक विविधता र न्यायलाई समेट्दै एक ऐतिहासिक कदम चालिएको छ। कोशी प्रदेशसभाबाट ‘सरकारी कामकाजको भाषा सम्बन्धमा व्यवस्था गर्न बनेको विधेयक’ सर्वसम्मतिले पारित भएको छ। यो विधेयक पारित भएसँगै...

;