नेपालले सोझै विश्वकप छनोट खेल्ने सम्भावना कायमै

 लिम्बुवान न्युज
                       

काठमाडौं । आईसीसी विश्वकप लिग टू सिरिजमा शीर्ष ३ मा रहि सोझै विश्वकप छनोट खेल्ने नेपालको सम्भावना कायमै रहेको छ ।

शीर्ष ३ मा पर्न नेपालले अव बाँकी रहेको मध्ये ४ खेलमा ४ खेल नै जित्नुपर्ने भएको छ । विश्वकप लिग टू को शीर्ष तीन टोलीले जिम्बावेमा हुने आईसीसी एकदिवसीय विश्वकप छनोट खेल्न पाउनेछन् ।

स्कटल्यान्ड ३६ खेलमा २४ मा जित र १० मा हारसहित ५० अंकका साथ विश्वकप लिग टू को च्याम्पियन बन्दै सोझै विश्वकप छनोटमा पुगेको छ ।

ओमान ३६ खेलमा २१ मा जित र १३ मा हारसहित ४४ अंकका साथ दोस्रो स्थानमा रहँदै सोझै विश्वकप छनोटमा पुगेको छ ।

अव नेपाल र नामिबिया मध्ये एक टोली शीर्ष तीनमा रहँदै विश्वकप छनोट सोझै खेल्न पाउनेछन् ।

नेपाल ३२ खेलमा १५ मा जित र १५ मा हारसहित ३२ अंक सहित पाँचौं स्थानमा छ । युएई ३२ खेलमा १४ मा जित र १५ मा हारसहित ३१ अंकका साथ छैटौं स्थानमा छ ।

नामिबियाले ३६ खेलमा १९ मा जित र १६ मा हारसहित ३९ अंकमा विश्वकप लिग टू को अन्त्य गरिसकेको छ ।

नेपालले अव यूएईसँग २ र पपुवा न्युगिनीसँग २ खेल खेल्न बाँकी रहेको छ । नेपालले शीर्ष ३ मा पर्न नामिबियालाई पछाडी पार्नुपर्ने हुन्छ । नामिबियाको ३९ अंक रहेको छ । नामिबियालाई पछि पार्न नेपालले बाँकी रहेको ५ खेलमा शतप्रतिशत नतिजा आफ्नो पक्षमा पार्नु पर्ने हुन्छ ।

यदी नेपालले बाँकी सबै खेल जित्दा ४० अंक हुनेछ । यसो गर्दा नेपालले नामिबियालाई पछाडी पार्नेछ । त्यसैले नेपालले शीर्ष तीनमा पर्न सबै खेल जित्नुपर्ने हुन्छ ।

यूएईको सबै खेल जित्दा पनि ३९ अंकमा मात्रै पुग्नसक्छ । नेपालले बाँकी सबै खेलमा जित निकाल्दा ४० अंक हुनेछ ।

जुन नेपाललाई शीर्ष तीनमा रहँदै विश्वकप छनोट खेल्न पर्याप्त हुनेछ । नेपाल कुनै एक खेलमा पराजित भएमा शिर्ष ३ मा रहँदै सोझै विश्वकप छनोटको सम्भावना समाप्त हुनेछ ।

नेपालका बाँकी चार खेल घरेलु मैदानमा खेल्नेछ । नेपालले आफ्नो घरेलु मैदानमा नेपालले यूएई र पपुवा न्युगिनीलाई अन्तिम विश्वकप लिग टू खेलका लागि निमन्त्रणा दिने छ ।

टियु मैदानमा आयोजना हुने सो खेलको पहिलो खेलमा नेपालले मार्च ९ (फागुन २५) मा पपुवा न्युगिनीसँग खेल्नेछ । मार्च १२ (फागुन २८) मा यूएईसँग नेपालले दोस्रो खेल खेल्नेछ । मार्च १३ (फागुन २९) मा पपुवा न्युगिनीसँग नेपालले पुनः खेल्नेछ । विश्वकप लिग टूको अन्तिम खेलमा मार्च १६ (चैत २) मा यूएईसँग खेल्नेछ ।

सम्बन्धित समाचार

पत्रकार महासंघकाे महाधिवेशन आजदेखि काठमाडौंमा सुरुः दुइ दिन चल्ने

ललितपुर, २१ वैशाख । नेपाल पत्रकार महासंघको केन्द्रीय महाधिवेशन आजदेखि काठमाडौंमा सुरु हुँदैछ । महाधिवेशन आज र भोलि गरी २ दिनसम्म चल्ने बताइएकाे छ । बिहान ८ बजे प्रधानमन्त्री पुष्पकमल दाहाल प्रचण्डले राष्ट्रिय सभागृहमा महाधिवेशन...

पहिचानवादीहरुले गरे मतदातालाई धन्यवाद ज्ञापन

दमक, १९ बैशाख । पहिचान पक्षधरले इलाम-२ मा सम्पन्न उपनिर्वाचनका क्रममा प्राप्त जनमतले संसदीय लोकतन्त्रमा पहिचानको राजनीति सुनौलो दिशातर्फ अघि बढेको निष्कर्ष निकालेका छन । बुधबार प्रदेश १ पुनः नामाङकन संयुक्त संघर्ष समितिमा आबद्व विभिन्न...

पहिचानवादिका साझा उम्मेद्वार डकेन्द्रले गरे मतदान

बैशाक १५, इलाम । इलाम क्षेत्र २ मा अहिले भइरहेको उपनिर्वाचनमा पहिचान पक्षधर स्वतन्त्र उम्मेदवार डकेन्द्रसिंह थेगिमले फाकफोकथुमको आमचोकस्थित सिंहदेबि मतदान केन्द्रबाट मतदान गरेका छन् । उनले बिहानको ७ बजे सिंहदेबी मा.बि. शुक्रबारे (क)मा मतदान...

पहिचानवादीले माङ्सेबुङमा गरे साढे पाँच किलोमिटर र्यालीपछि वृहत चुनावी सभाः मुढाको माहोल झन बढ्दै

इलाम, माङसेबुङ । इलाम—२ को उपनिर्वाचनको लागि हातले बनेको मुढा चुनाव चिन्ह लिएका साझा स्वतन्त्र उमेद्वार डकेन्द्रसिंह थेगिम लिम्बूको माहोल झनझन बढ्दै गएको छ । यसै क्रममा सोमबार इलामको माङ्सेबुङ गाउँपालिकाको लारुम्बामा समर्थक÷शुभचिन्तकहरुले साढे पाँच...