धरान, ९ चैत्र । संघीय लिम्बुवान प्रान्तीय मञ्च मातहत लिम्बुवान भोलेन्टियर्सका सह-कमाण्डर धरानस्थित विपि कोइराला स्वास्थ्य विज्ञान प्रतिष्ठानको सघन उपचार कक्षमा उपचार भईरहेको छ । उनी यहि चैत्र ५ गते विराटनगरको विरोध जनप्रदर्शनमा शसस्त्र प्रहरीसँगको दोहोर झडपमा घाइते भएका हुन् । उनको टाउकोमा गम्भीर चोट लागेको छ ।

टाउकोमा चोट लागेर सामान्य उपचार गरेर बसेका लिम्बु बुधबार साँझ विहोस भएपछि विपि लगिएको एलभी सहकमाण्डर भुपाल चेम्जोङ्ले बताए । चेम्जोङका अनुसार उनको टाउकोमा रगत जम्मा भएको हुँदा अप्रेशन गर्नुपर्ने चिकित्सकले सल्लाह दिएका छन् । प्रदेश नं. १ को नाम माघ १७ गते प्रदेशसभाले छापामार शैलीमा कोशी ल्याएपछि पहिचानवादी संघ संस्था तथा दलहरु यतिवेला आन्दोलनमा उत्रिएका छन् ।

आन्दोलनको क्रममा चैत्र ५ गते करिब ३ सयको संख्यामा बसहरुबाट हजारौं प्रदर्शनकारीहरु विराटनगरमा जम्मा भई कोशी खारेजीको माग राख्दै प्रदर्शन गर्ने क्रममा शसस्त्र प्रहरीसँग मुठभेट हुँदा कमाण्डरको टाउकोमा चोट लागेको अर्का एलभी सह-कमाण्डर तथा लिम्बुवानका नेता गणेश मिभकले बताए । उनले संघीय लोकतान्त्रिक राष्ट्रिय मञ्च तथा पुनः नामाङकन संघर्ष समितिलाई आर्थिक सहयोगको पनि अपिल गरेका छन् ।