दमक / प्रदेश सरकारले नामकरणमा असन्तुष्टि जनाउँदै आन्दोलनरत पहिचान पक्षधरलाई वार्ताका लागि पत्र पठाएको छ । सोमबार मुख्यमन्त्री तथा मन्त्रिपरिषदको कार्यालयले प्रदेश १ पुन नामाङ्कन संयुक्त संघर्ष समितिलाई पत्र पठाएको हो ।

प्रदेश नं. १ पुनः नामाङकन संयुक्त संघर्ष समितिको नाममा पत्र पठाए वार्तामा बस्ने समितिले बताएको थिए । त्यसपछि सोमबार प्रदेश सरकारले समितिलाई वार्तामा बोलाएको हो ।

फागुन १७ गते प्रदेशसभाले प्रदेशको नाम कोशी राखेको थियो । भूगोलका आधारमा नाम राखेपछि पहिचान पक्षधरले नामकरणमा असन्तुष्टि जनाउँदै आन्दोलन सुरु गरेका थिए । दुइ महिना अघिबाट शुरू भएकाे अान्दाेलनमा पदम लिम्बु लाजेहाङ शहिद भइ सकेका छन् भने थुप्रै घाइते भएका छन् ।

पहिचान पक्षधरसँग वार्ताका लागि सरकारले मन्त्री तिलकुमार मेन्याङ्बोको नेतृत्वमा तीन सदस्यीय वार्ता समिति गठन गरेको छ ।

आन्दोलनरत पक्षले सरकारले वार्ता समिति गठन गरे पनि वार्तामा औपचारिक रुपमा पत्र नअाएकाेमा अापत्ति जनाएका थिए।