दमक, ११ असार । प्रदेश नं. १ काे नाम कोशी खारेजी आन्दोलनको लागि आर्थिक सहयोग संकलन गर्ने उद्देश्यले ग्लोबल आइएमई बैंकमा खोलिएको खाता प्रहरीले रोक्का गरेको छ ।

जिल्ला प्रहरी परिसर भक्तपुरले पत्र काट्दै बैंक खाता रोक्का गरिएको कुरा बाहिरीएको छ ।  पत्रमा कोशी प्रदेश नामाङ्करणको विषयलाई लिई भई रहेको आन्दोलनमा सहयोग गर्नको लागी भनी ग्लोबल आई. एम. ई. आई. बैंक लि शाखा कार्यालय गठ्ठाघर भक्तपुरकोमा २५५०७०१००२१८७२ को खाता खोलेको भन्ने बुझिन आएकोले उक्त खाता अनुसन्धानको सिलसिलामा रोक्का राखिदिने व्यवस्था गरिदिनहुन अनुरोध गरिएको छ ।”

प्रहरीले ग्लोबल आइएमइ बैंक शाखा कार्यालय भक्तपुरलाई रोक्काको पत्र काट्दै लेखेपछि प्रदेश १ पुनः नामाङकन संयुक्त संघर्ष समितिले त्यसकाे विराेध जनाएकाे विभिन्न सामाजिक संजालहरूमा अभिव्यक्तिहरू दिइ रहेका छन् । राज्यले पहिचानवादीहरूलाइ अातङ्कित पार्ने काम बन्द गर्नु पर्छ नभए अरू थप कडा अान्दाेलन हुन सक्ने प्रमुख नेतृत्वकर्ताहरूले बताएका छन् । उनीहरूले खाता सुचारू गराउन गराउन समेत अनुराेध गरेका छन् ।