ललितपुर, ११ असार । पाँचथरका उदयमान गायक द भ्वाइस अफ् नेपाल सिजन ५का फाइनलिस्ट नोगेन लिम्बू हाङसरुम्बाको ‘जिउ पैंचो’ गीत भिडियो सहित सार्वजनिक भएको छ । सांगीतिक चलचित्र भनिएको २३ मिनेटभन्दा लामो उक्त भिडियोलाई नोगेनले आफ्नै युट्युब च्यानलबाट सार्वजनिक गरेका हुन् ।
उक्त गीतमा नोगेनलाई लोकप्रिय गायीका सुनिता थेगिमले स्वरमा साथ दिएका छन् । गीतको शब्द, संगीत बुद्धराज लिम्बूको रहेको छ भने एरेञ्ज, मिक्सिङ र मास्टरिङ मनोज थापा मगरले गरेका छन्। गीतलाइ मुन्धम स्टुडियाेमा गरिएकाे छ भने वरदान संगीतालयकाे प्रस्तुती रहेकाे छ ।
नोगेनका बाबु देउमान हाङसरुम्बा र आमा सरिता हाङसरुम्बा (नेम्बाङ)ले निर्माण गरेको प्रस्तुत सांगीतिक चलचित्रको लेखन, निर्देशन किरण राईले गरेका छन् । भिडियोमा अनुशा राई, उत्तम राई, यासेली योङहाङ, भुवनसिं राई, सागर केरुङ, तुलशा आङदेम्बे, हाङ चेम्जोङ, भूपु लिम्बू, मधु केरुङ, निशाम तुम्बापो, समीर जबेगु, निशान लुइटेल, बिमल लिम्बू, नेहा राई, शिशिर नेम्बाङ, तिर्थ हाङसरुम्बा र ज्योति बेघा लगायतको अभिनय रहेको छ ।
पूर्वी लिम्बु याक्थुङ थातथलोमा गाईने हाक्पारेको लयलाई नेपाली शब्दमा व्युत्पन गरी पूर्वेली भाकामा लय मिलाएर गाईइएको यो ठेट लिम्बु लोकसंगीत अनि गीतसँगै कलाकारहरुले आफ्नो मोलिक संस्कृति अनुसार लिम्बु संस्कारमा बुबा आमाले रोजको भन्दानी आफूले नै रोजेर जाने चलनबारे भिडियोमा देखाईएको छ । मिराक र हाङमा मुख्य पात्र बनाई उनीहरुको माया प्रेम अनि भागेर विवाह गर्ने सल्लाह पनि विफल पार्ने हाङमाको माईतीहरुसँगको द्वन्द्व लगायतलाई समिश्रण गरी अत्यन्तै राम्रो भिडियो तयार भएको छ ।
दुई प्रेमीहरुले आफूलाई पाउन एक अर्कालाई लेखेका पत्र अनि त्यो पत्रका हुलाकी मामा र हाङमाको बाजेको अभिनय हेर्न लायक छ नै अझ राम्रो हेर्ने हो भने मिराकको आमाको भूमिका अझ हेर्न लायकको छ । छोराले बुहारी भगाई ल्याउने क्रममा आफूले छोरा र बुहारीलाई रक्षा गर्ने उनले साच्चिकै राम्रो भूमिका निर्वाह गरेको यो भिडियो हेरौ हेरौं लाग्ने नै बनेको छ ।
नेपालको सुदुरपुर्वी भेगमा आफ्नै थातथलोमा बस्ने याक्थुङ जातिको सयौँ प्रकारका सुमधुर मौलिक संगीतहरु छन् । यसैको एउटा ब्युत्पन्न सृजना हो ’भगाइ लाने सल्लाह।’ भएको गायक नोगेनले आफ्नो क्याप्सनमा राखेका छन् । आज भन्दा दशकौं अघि याक्थुङ जातीको मौलिकतालाई स्वभाविक, वास्तविक र यथार्थपरक चित्रण हुनेगरी यो भिडियो तयार भएको छ ।
भिडियोको लिंक तल राखिएको छः–
ललितपुर, ताप्लेजुङस्थित धार्मिक तथा सांस्कृतिक आस्थाको केन्द्र मुक्कुमलुङमा निर्माण गर्न लागिएको केवलकार परियोजनाको विरोधमा काठमाडौँको माइतीघरमा विरोध प्रदर्शन गरिएको छ । याक्थुङ (लिम्बु) समुदायको आस्थाको धरोधर मास्न पाइदैन भन्दै आदिवासी जनजाति महासंघ, किरात याक्थुङ चुम्लुङ...
दमक, झापाको दमक नगरपालिकाको आयोजनामा दोस्रो दमक नगरस्तरीय खेलकुद महोत्सवको उद्घाटन भएकाे छ । आइतबार दमक नगरपालिकाको प्राङ्गगणबाट दमक ७स्थित नमुना व्याट्मिन्टनको सभाहलसम्म विभिन्न झाँकी सहित खेलकुद महोत्सवको उद्घाटन गरिएकाे हो । खेलकुद महोत्सवमा फुटबल,...
फेदेन। पान्थर जिल्लाको फेदेनस्थित होटल सरगमको सभाहलमा सनिवार आयोजित याक्थुङ साहित्यको सिन्थेसिस’ कार्यक्रममा सात जना स्रष्टाका एक दर्जन कृतिहरू एकैसाथ लोकार्पण गरिएको छ । प्रमुख अतिथि किरात याक्थुङ् चुम्लुङ चुम्लुङका सङघीय अध्यक्ष तुत्तु गोविन्द आङ्बुङको...
सेसेहाङ चाेडबाङ फेदाप । तेह्रथुम जिल्लाको फेदाप गाउँपालिका–१, सिम्ले मयन्तापा टारीमा रहेकाे महानन्द निङ्लेखु सङ्ग्रहालय तथा अनुसन्धान केन्द्रको विभिन्न सास्कृतीक कार्यक्रमहरू सहित अाज उद्घाटन गरिएकाे छ। कार्यक्रमका प्रमुख अथिती माननीय सन्तोष निङलेखुले पानसमा बत्ती बालेर...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७