ललितपुर, २७ भदौं । नेपाल पत्रकार महासंघको निर्वाचन अन्योलता तर्फ धकेलिएको छ । तोकिएको समयमा पनि निर्वाचन गर्न नसक्ने स्थिति बनेपछि केन्द्रीय अध्यक्ष बिपुल पोखरेलले राजीनामा दिएका छन् । दोस्रोपटक पनि पत्रकार महासंघको चुनाव नहुने निश्चित प्राय भएपछि पोखरेलले राजनीनामा दिएका हुन् ।

पत्रकार महासघको आइतबार केन्द्रीय समितिको बैठक थियोे । बैठकमा मतदाताको अन्तिम नामवली सार्वजनिक गर्नुपर्ने अडान केन्द्रीय अध्यक्षले राखेपनि विवाद हल भएपछि मात्रै नामवली सार्वजनिक गर्नुपर्ने अन्य सदस्यहरुले भनेका थिए ।

नामवली सार्वजनिक गर्न नसकेपछि अब असोज ५ का लागि तय गरिएको चुनाव हुन नसक्ने स्थिति बनेको हो । यसैका कारण अध्यक्ष पोखरेलको राजीनामा आएको स्रोतको दाबी छ ।

पत्रकार महासंघ जिल्ला, प्रदेश र केन्द्रको अवधि चैतमा नै सकिएको हो । महासंघ केन्द्रले असोज ५ लाई नयाँ निर्वाचनको मिति तोकिएको थियोे । असोज ५ सहित हालसम्म तीन पटक निर्वाचनको मिति तोकिसकिएको छ ।

यसैगरी २६ गते बसेकाे महासंघकाे बैठकले अध्यक्षकाे राजीनामा पछि उत्पन्न समस्यालाइ समाधान गर्दै बरिष्ठ उपाध्यक्ष रमेश विस्टलाइ का.बा. अध्यक्ष जिम्मेवारी दिएकाे छ । साथै असाेज ५ गतेकाे निर्वाचनलाइ सम्पन्न गर्ने प्रतिबद्धता समेत महासंघले जनाएकाे विज्ञप्ति जारी गरेकाे छ ।