दमक, ८ कार्तिक । झापाको दमकमा अर्वौको लागतमा निर्मित भ्यू टावर (प्रस्तावित दमक बिजनेस कम्प्लेक्स)को संचालन बारे छलफल भएको छ । सहरी विकासका निर्देशक तेज बहादुर राईको उपस्थितिमा दमक नपामा छलफल भएको हो ।

छलफलमा कार्यवाहक नगर प्रमुख रेगिना भट्टराइले राज्यको अरबौं लगानी रहेको भ्यू टावर राष्ट्र कै सम्पति हो । उनले भनिन दमक नगरपालिका र प्रदेश नं. १ कै सम्पति भएको हुँदा छिटो भन्दा छिटो सन्चालन गरेर लगानिलाई प्रतिफलमा परिणत गर्न सरकारका तिनै तहले गम्भीर रूपमा लिनु पर्ने बताएकी छिन् ।

दमक नपाको सभाहलमा भएको बैठकमा दमक नपाका प्रमुख प्रशासकीय अधिकृत गणेश राज कार्की, दमक वडा नं.३ का अध्यक्ष नविन बराल, दमक वडा नं. ७ अध्यक्ष भीम पौडेल, ई.अनन्त सेनेहाङ, ई गणेश गुरुङ, सहरी विकास तथा भवन निर्माण विभाग इलाममा डिभिजन प्रमुख लगायतको उपस्थिति रहेको थियो ।

छलफल पश्चात दमक भ्यू टावर तथा सभा गृहको समेत स्थलगत अवलोकन गरिएको नगरपालिका स्रोतले बताएको छ ।