दमक, २० मंसिर । इलामको फाकफोकथुम ४स्थित लिम्बुगाउँमा मंसिर २५ र २६ गते चासोक तङ्नाम रमाईलो मेला लाग्ने भएको छ । विगत १७ बर्षदेखि निरन्तर लाग्दै आईरहेको उक्त मेलामा आज(बिहीबार)बाट चासोक कप २०८१ नकआउट फूटबल प्रतियोगिता शुरु भएको मेला आयोजकका निर्देशक दिपक योङहाङले बताए ।

१६वटा क्लबहरुको सहभागी रहेको उक्त खेल मंसिर २६ गतेका दिन सम्पन्न हुने उनले बताए । आयोजक, फूङ्वा युवा क्लव, राइजिङ स्टार युथ क्लब शिवसताक्षी, झापा, ठिगेंपुर एफसी, लुम्दे एफसी, रातमाटे एफसी, फुएतप्पा १, त्रिवेणी युवा विकास संस्था, माङमालुङ चापेटी फूटबल क्लब, चौबन्दी एफसी, आमचोक ६ एफसी, आरोहण युथ क्लब सप्तमी, सम्बरतुथ एफसी, कोल्बोटे एफसी, जुरेथुम्की एफसी र युथ स्टार आमचोक रहेका छन् ।

खेलको प्रथम पुरस्कार राशीको राशी ५५५० हजार पाँच सय ५५ रुपैयाँ, ट्रफी, मेडल र प्रमाणपत्र रहेको छ त्यसैगरी द्वित्तीयले २५ हजार पाँच सय ५५ रुपैयाँ, ट्रफी, मेडल र प्रमाणपत्र पाउने निर्देशक योङहाङले बताए ।

यसैगरी चासोक मेलामा मंसिर २६ गते साँझमा चर्चित गायक प्रथम नेपाली तारा दिपक लिम्बु, द भ्वोइस अफ नेपालका विजेता विनोद राई, गायिका दिपा सुहाङ, सेमिहाङ् सिंगक र सिक्किमकी चेली प्रमिका राईको वेजोड प्रस्तुति रहने उनले बताए । यसरी नै उक्त कार्यक्रममा स्थानीय सांस्कृतिक कार्यक्रमहरु केलाङ, चण्डी नाँच, हुर्रा नाँच त्यसैगरी स्थानीय कलाकारहरुको समेत प्रस्तुती रहने उनले बताए ।