पान्थर, ५ पौष । पान्थरको कुम्मायक गाउपालिकामा पहिचानवादी मोर्चा गठन भएको छ । शुक्रबार यासोक बचारमा भएको पहिचानवादी मोर्चाको भेलाले कुम्मायक गाउँपालिका कार्य समिती गठन गरेको हो ।

उक्त भेलाले तारानाथ सम्बाहाम्फेको संयोजकमा समिती गठन भएको छ । उक्त समितिमा इन्द्रकला लाओती र अमर लओती सहसंयोजक, सन्दिप सम्बाहाम्फे सदस्य सचीव र तेज प्रकाश लाओतीलाई आर्थिक बिभाग प्रमुखको जिम्मेवारी दिइएको छ ।

यसैगरी उक्त कार्यक्रममा २१ सदस्य पहिचानवादी मोर्चा कुम्मायक गाउपालिका कार्य समिती निर्बाचित गरेको नेता केदार धिमालले लिम्बुवान खबरलाई जनाएका छन ।
यसरी नै उक्त भेलाले पहिचानवादी महिला मोर्चा कुम्मायक गाउपालिका कार्य समिती पनि गठन गरेको छ । महिला समितिको संयोजकमा सुनिता लाओती, सह-सहयोजकमा सरस्वती नेम्वाङ र सदस्य सचिवमा देबिमाया लिम्बू सहित ११ सदस्य समिती निर्बाचित गरेको छ ।

कार्यक्रमको प्रमुख अथिति पहिचानवादी मोर्चाका संघीय संयोजक प्रा डा. महेन्द्र लाओती, अतिथिहरु सह-संयोजक ज्ञानबहादुर गुरुङ, संघीय सदस्य तथा कार्यालय प्रमुख खगेन्द्र माखिम, संघीय सदस्य तथ लिम्बुवान प्रदेशका सदस्य सचीव केदार धिमाल, संघीय सदस्यहरु सेन्छेहाङ लाओती, जकेन्द्र लाओती, मिसेकहाङ चेम्जोङ लगायतको उपस्थिति रहेको थियो ।