दमक, ४ माघ ।  नेपाल आदिवासी जनजाति पत्रकार महासंघ (फोनिज) तेह्रथुम जिल्ला शाखा समितिको पाँचौ अधिबेशन सम्पन्न भएको छ ।

शुक्रबार सम्पन्न नेपाल आदिवासी जनजाति पत्रकार महासंघ (फोनिज) १ नम्बर प्रदेश समिति अध्यक्ष सन्तबीर लामाको प्रमुख आतिथ्यतामा फोनिज तेह्रथुम जिल्ला शाखा समितिको पाँचौ अधिबेशनबाट वबिता राईको अध्यक्षतामा ९ सदस्यीय समिति गठन भएको हो ।

समितिका उपाध्यक्षमा कृष्णमान तामाङ, सचिवमा धन बहादुर लिम्बू, उपसचिवमा सबिना लिम्बू र कोषाध्यक्षमा साम थाम्देन “थाङ्देन” चयन भएका छन् । त्यस्तै, सदस्यहरुमा क्रमशः सन्ध्या लिम्बू,चिन कुमार लिम्बू,सोमी लिम्बू र बुद्वी तामाङ चयन भएको निर्वाचन समिति सदस्य टि आर सेनेहाङले बताए ।

यसैगरी अधिबेशनले १ नम्बर प्रदेश महाधिवेशन प्रतिनिधिमा टिआर सेनेहाङ, प्रकाश पाक्साङ्वा र रेवत पारघरी रहेका छन् भने संघीय महाधिवेशन प्रतिनिधिमा भगिश्वर तेयुङ लिम्बू (मनोज) र जितलाल कुरुम्भङ लिम्बू छनौट भएका छ्न ।

कार्यक्रम नेपाल आदिवासी जनजाति पत्रकार महासंघ (फोनिज) तेह्रथुम जिल्ला शाखा समिति कोषाध्यक्ष कृष्णमान तामाङको अध्यक्षतामा सम्पन्न भएको हो ।