दमक, २३ चैत्र ।   झापाको दमक ७ स्थित सयपत्री टाेलमा बिहीबारदेखि आदिवासी जनजाति सांस्कृतिक महोत्सव -२०८१ सुरू भएको छ ।नेपाल आदिवासी जनजाति महासंघ दमक नगर समन्वय परिषदले आयोजना गरेकाे महोत्सव आगामी बैशाख १ गते सञ्चालन हुने आयोजक संस्था जनाएको छ ।

महोत्सवको विधिवत उद्घाटन आदिवासी जनजाति प्रतिष्ठानकी उपाध्यक्ष रेशम गुरुङले गरिन् । १ बैशाखसम्म चल्ने महोत्सव उद्घाटनमा प्रतिष्ठानका सचिव मल राजवंशी, दमक नगरपालिकाका प्रमुख रामकुमार थापा, दमकका प्रथम नागरिक धिमालका अध्यक्ष तेजबहादुर धिमाल लगायत वडाध्यक्ष, दमक नगरमा रहेका जातिय संस्थाका प्रतिनिधिहरुको उपस्थिति रहेको थियो ।

महोत्सव उद्घाटनमा वक्ताहरुले आदिवासी जनजातिको अधिकार र संस्कृति संरक्षण तथा सम्बद्र्धनका जातीय एकता र सद्भाव कायम राख्दै सांस्कृतिक रूपमा जातीय विविधतालाइ माैलिक सम्पत्तिकाे रूपमा विकास गर्न यस प्रकारकाे महाेत्सवले सहयाेग पुर्याउने चर्चा गरेका छन् ।

आदिवासी जनजातिको संस्कार, रीतिरिवाज, परम्परा, भुषभुषा र संस्कृति देशकै सम्पदा भएकाले यसको सम्वद्र्धन र प्रवद्र्धनमा सबै पक्ष लाग्नुपर्ने उनीहरुको भनाई राखेका छन् ।

महोत्सवमा बिभिन्न जातीय घरहरु, पाेषाक, परिकार तथा अन्य हस्तकलाका सामग्रीहरुको समेत प्रदर्शनी गरिएको छ । महोत्सव शुरु अघि जातिय संस्थाहरुको वृहत ¥यालीले दमक वजार परिक्रमा समेत गरेकाे थियाे ।

महोत्सवलाई आर्कषण बनाउन हरेक साँझ राष्ट्रिय तथा स्थानीय कलाकारहरुको साङ्गीतिक प्रस्तुति दिने कार्यक्रम रहेको आयोजक संस्था नेपाल आदिवासी जनजाति महासंघकी कोषाध्यक्ष ओममाया आङदेम्बेले बताईन् । साथै कार्यक्रममा विभिन्न जातीय झाँकी सहितका कलाकारहरूकाे समेत प्रस्तुति रहने उनले वताइन् ।

तस्वीरहरूः