फेदेन, १६ वैशाख । पान्थर फेदेनमा याक्थुङ मुन्चइत चोक सयङ पान्थर जिल्ला कार्यसमितिको तेश्रो अधिवेशन सम्पन्न भएको छ । शनिबार पान्थरस्थित फेदेन बजारमा सम्पन्न अधिवेशनले फुङ्सो जवेगुको अध्यक्षतामा नयाँ समिति गठन भएको हो ।

सयङकाे संघीय अध्यक्ष सागर केरुङ्को प्रमुख आतिथ्यतामा सम्पन्न उक्त कार्यक्रममा समितिको उपाध्यक्षमा भुपेन योङहाङ, सचिवमा रजनी हाङसरुम्बा, सहसचिवमा बुद्ध केरुङ र कोषाध्यक्षमा अमृता जवेगु निर्वाचित भएका छन् ।

त्यसैगरी समितिको सदस्यहरुमा निसाम तुम्बापो, उत्तम योङहाङ, सुयोन आङदेम्बे, विवेक हाङ्सरुम्बा, मनेन्द्र केरुङ र समीर जवेगु रहेका छन् ।

उक्त अधिवेशनले सल्लाहकार समिति समेत गठन गरेको छ । मधु केरुङ, नरेन्द्रराज केरुङ, बुद्धराज लिम्बु र सुरेन शिशिर केरुङलाई सल्लाहकार समितिमा राखेको सयङ्ले जनाएको छ ।