ललितपुर, १९ वैशाख । लिम्बु संस्कृतिमा आधारित नेपाली कथानक चलचित्र ‘येबा साम’ को छायांकन सम्पन्न भएको छ । गत फागुनदेखि पान्थरको विभिन्न रमणिय स्थानहरूमा छायांकन भएको चलचित्रको छायांकन कार्य सम्पन्न भएको हो ।

लिम्बू/याक्थुङ जातीहरूमा प्रचलित येबाले गर्ने अनुष्ठानलाइ मुख्य बिषयवस्तु बनाएर निर्माण गरिएको याे चलचित्रको बिक्रम योङ्हाङ्ले लेखन निर्देशन गरेका हुन ।

यस चलचित्रलाइ रोजा राई र सीता पङ्यागुले संयुक्त लगानीमा निर्माण गरेका हुन् ।

चलचित्रकाे मुख्य कलाकारहरूमा लक्ष्मी योङ्हाङ, सागर केरुङ, उदय बेघा, सम्झना राई, पुष्कर दाहाल, फुङ्सो जबेगु, आर्यान बुढा, तुलसा लिम्बु लगायत रहेका छन् ।

अभय चौधरीको छायांकन र तुलसा लिम्बुको श्रृङ्गार रहेको चलचित्र ‘येबा साम’लाइ २०८२ काे सिसेक्पा तङ्नामबाट प्रदर्शनमा ल्याइने निर्देशक योङ्हाङ्ले बताए ।