झापा, दमक, ३० वैशाख ।  बहुप्रतीक्षित फिल्म ‘जारी : सङ् अफ च्याब्रुङ’को छायांकन पान्थरबाट सुरु भएको छ । बुद्ध जयन्ती चण्डीपूर्णिमा (उभाेली)को अवसर पारेर मंगलबारदेखि छायांकन सुरु भएको हाे ।

चलचित्रकाे छायांकन शुरू भएकाे चलचित्रका पटकथा लेखन तथा निर्देशक उपेन्द्र सुब्बाले जनाएका छन् । यस चलचित्रकाे निर्मातामा राम बाबु गुरूङ् छन् ।

पुर्वी लिम्बु/याक्थुङ समाजमा रहेकाे विवाहित नारीले पुनः दाेस्राे विवाह गर्दा पहिलाे पतिलाइ दाेस्राे पतिले जारी तिर्नु पर्दा भाेगेका पिढादायी कथालाइ उत्कृष्ट कला मार्फत ‘जारी’ चलचित्र सुपरहिट थियाे साेही ‘जारी’को दोस्रो श्रृंखला ‘जारीःसङ् अफ च्इाब्रुङ’ (जारी-२) बन्न लागेकाे निर्देशक सुब्बाले बताए ।

डेढमहिनासम्म चल्ने छायांकन पाँचथरमा पुरै हुने निर्माणटिमले जनाएको छ । छायांकन सेटबाट प्राप्त तस्वीरमा दयाहाङ राई र मिरुना मगरलाई क्यारेक्टर लुक्समा देख्न सकिन्छ ।

याे चलचित्रलाइ आगामी दशैंमा प्रदर्शन मिति तय गरिएको जनाइएकाे छ ।

चलचित्रकाे शीर्ष भूमिकामा दयाहाङ राई, मिरुना मगर, विजय बराल र ऋचा शर्मा रहेका छन् । यसैगरी बुद्धि तामाङ, पुष्कर गुरुङ, प्रेम सुब्बा, माओत्से गुरुङ, मनहाङ लावती, विष्णु मोक्तान, कमलमणी नेपाल, अनिल सुब्बा, रेखा लिम्बु, बेदना राई, सिर्जना निङलेखु लगायतको पनि अभिनय हुने निर्देशक सुब्बाले बताए ।

घरेलु बक्सअफिसमा जारीले १७ करोडभन्दा धेरैको ब्यापार गरेको चलचित्र विकास बोर्डले जनाएको छ ।

‘जारी २’पछि बाँसुरी फिल्म्स ‘कबड्डी ५’को निर्माणमा जुट्ने निर्माता गुरूङले जनाएका छन् ।