ललितपुर, १३ जेठ । ताप्लेजुङकाे फुङलिङस्थित ताेक्मे डाँडामा निर्मित च्याब्रुङ नाच्दै गरेको मानिसको प्रतिमामा अश्लिल हर्कत गर्ने दुई जना पक्राउ परेका छन् ।  याराक्मा तेन (धान नाँच) पार्कमा अश्लिल हर्कत गरी प्रचार प्रसार गर्ने दुई पुरुष पक्राउ परेका हुन् ।

पक्राउ पर्नेमा ताप्लेजुङका २२ वर्षीय र २० वर्षीय पुरुष रहेको सूचना अधिकारी तथा प्रहरी निरीक्षक बिवेक बस्नेतले जानकारी दिनुभएको छ । उहाँका अनुसार उक्त पार्क स्थलको भित्तामा बनाइएको प्रतिमामा अश्लिल हर्कत गरेको भिडियो रेकर्ड गरी सामाजिक सञ्जालमा प्रचार प्रसार गरेको आरोपमा पक्राउ गरिएको छ ।

उनीहरूलाई फुङलिङ बजारबाट जेठ १२ गते पक्राउ गरी मुलुकी अपराध संहिता २०७४ को परिच्छेद ५ को दफा १२१ तथा प्रचलित कानुन बमोजिम कसूरमा जिल्ला प्रशासन कार्यालय ताप्लेजुङबाट सात दिनको म्याद थप गरी अनुमति सुरु गरिएको प्रहरीले जनाएको छ ।