तेह्रथुम/ मुक्कुमलुङ बचाउ आन्दोलनमा २०८१ माघ १२ गते बलुडाँडामा भएको झडपमा परि सशस्त्रको गोलि बाट घाइते भएका याम बहादुर सुक्वाबा लिम्बूलाई तेह्रथुम स्थित मुक्कुम्लुङ संरक्षण सहयोग समितिका नेतृत्वहरुले सामुहिक भेट गरेका छन ।

आज याम बहादुर सुक्वाबाको घर मेयङलुङ ९ लुङनामफुङमा गएर उनको स्वास्थ स्थिति बुझेका हुन ।

यो संगै घाइतेको श्रीमती, आमा र छोराछोरी संग समेत छलफल गरि आगामी दिनमा साथ सहयोग बारे परामर्श गरेका थिए । घाइते सुक्वाबालाई फिलामा गोलि लागि फिलाको अपरेसन पछि नियमित स्वास्थ्य उपचारमा हुनुहुन्छ ।

मुक्कुमलुङमा सरकारको संरक्षणमा दलालहरुले निर्माण गर्न खोजेको केवलकार खारेजी आन्दोलन निरन्तर चलिरहेको छ । उहाले कुनै पनि हालतमा केवलकार निर्माण गर्न नहुने तर्क दोहोर्‍याउनु भयो ।

भेटघाट कार्यक्रममा मुक्कुमलुङ संरक्षण तथा सहयोग समिति तेह्रथुम संयोजक सेसेहाङ हुक्पा चोङबाङ, किरात याक्थुङ चुम्लुङ लिम्बुवान प्रदेश उपाध्यक्ष टंकमाया तिगेला, जिल्ला सचिब राजकुमार तेयुङ, सह-सचिव सुबिन्द्र थेगुवा, संयुक्त पहिचानवादी मोर्चाका संघीय सदस्य कृष्ण कटुवाल, किरात याक्थुङ चुम्लुङ मेयङलुङ नगर अध्यक्ष साम थाम्देन लाजेहाङ फोर्सका उप कमान्डर वीर बहादुर सुक्वाबा, स्थानीय बुद्धिजीवी डम्बर सिङजागु, लोक ब. सुक्वाबा लगायतको उपस्थिति रहेको थियो ।