ललितपुर, असार । पाँचौ नेपाल आदिवासी जनजाति चलचित्र महोत्सव–२०८२’ काठमाडाैंमा सम्पन्न भएकाे छ । आइतबार चावहिलस्थित चलचित्र विकास वाेर्डकाे सभाहलमा सम्पन्न महाेत्सवबाट याक्थुङ लिम्बू भाषिक चलचित्र ‘चे’ ले उत्कृष्ट चलचित्र अवार्ड पाएकाे छ भने चलचित्रका निर्देश सागर केरूङले उत्कृष्ट निर्देशकको अवार्ड हात पारेका छन् ।
गत असार ६ देखि ८ सम्म सञ्चालन भएको ३ दिने महोत्सवमा चलचित्र ‘चे’ ले उत्कृष्ट चलचित्र अवार्ड हात पारेको हो भने निर्देशक केरुङले ‘उत्कृष्ट चलचित्र निर्देशक अवार्ड’ जितेका हुन् ।
महोत्सवमा विभिन्न भाषाका करिब ३ दर्जन चलचित्रहरु सहभागी थिए ।
यसअघि तेश्रो महोत्सवमा पनि लिम्बु चलचित्र ‘के’ ले उक्त अवार्ड जितेकाे थियो । तेश्रो महोत्सवमा नायक निर्माता भिम प्रसाद तुम्बाहाङ्फेको ‘केसाङ्ला’ले पब्लिक चोइस अवार्ड जितेको थियो भने चौथो महोत्सवमा चलचित्र ‘सुगुप’ले सम्पादन, ब्याग्राउण्ड म्युजिक र छायाङ्कन बिधामा अवार्ड हात पारेको थियो ।
बर्तमान राजनीतिक परिवेशले आदिवासी समाधिस्थल माथीको आक्रमणलाई बिषयबस्तु बनाईएको लिम्बु चलचित्र ‘चे’ अगस्ट १७ मा हङकङ र कोरियामा प्रदर्शन हुने लेखक तथा निर्देशक केरुङले बताए । याक्थुङहरू कसरी लास भएका छन् र लास अथवा चे व्यवस्थापनकाे लागि कसरी समस्या बन्दै गइरहेकाे छ भन्ने कथामा केन्दित बनेकाे याे चलचित्र भद्रपुर, दमक र उर्लाबारीमा प्रदर्शन भइसकेकाे छ ।
आदिवासी जनजाति चलचित्रको पहिलो संस्करण २०७४/२०१७ मा चलचित्र ‘लोम्बा’ मगर भाषाको चलचित्रले उत्कृष्ट अवार्ड जितेको थियो भने क्रमश दोस्रो संस्करण २०७५/२०१८ चलचित्र ‘यारी’ राई, तेस्रो संस्करण २०७६/२०१९ चलचित्र ‘के’ लिम्बू, चौथो संस्करण २०८१/२०२४ चलचित्र ‘रोश’ मगर, र पाँचौ संस्करण २०८२/२०२५ चलचित्र ‘चे’ लिम्बू भाषाको चलचित्रले उत्कृष्ट अवार्ड जितेको हो ।
रक्षामन्त्री मानबिर राईको आतिथ्यतामा समुदघाटन गरिएका महोत्सवमा सोहि दिन चलचित्र निर्देशक नवीन सुब्बा र निर्देशक राजकुमार राईलाई सम्मान गरिएको थियो ।
कार्यक्रमकाे समापनमा सूचना तथा प्रविधि मन्त्री पृथ्वीसुब्बा गुरूङले अवार्ड विजेताहरूलाइ पुरस्कार वितरण गरेका थिए । पाँचाैं महाेत्सव नेपाल आदिवासी चलचित्र महासंघकाे आयाेजना तथा चलचित्र विकास वाेर्ड, आदिवासी जनजाति उत्थान राष्ट्रिय प्रतिष्ठान र राेशी गाउँपालिकाकाे सहकार्यमा सम्पन्न भएकाे हाे ।
दमक । किरात याक्थुङ चुम्लुङले लिम्बुवान र तत्कालीन गोर्खा राज्यबीच भएको ऐतिहासिक नुनपानी सन्धिको २५२औँ वर्ष स्मरण गर्दै प्रधानमन्त्रीका नाममा ज्ञापनपत्र बुझाएको छ । किरात याक्थुङ चुम्लुङ केन्द्रीय कार्यसमितिको समन्वयमा विभिन्न संघसंस्था र राजनीतिक दलका...
प्रवास । मलेसियाको जोहोर बारुस्थित JO Hotel JB मा आयोजित किराँत याक्थुङ चुम्लुङ जोहोरको प्रथम अधिवेशन–२०२६ सम्पन्न भएको छ । अधिवेशनले हरि वाजी लिम्बुको अध्यक्षतामा नयाँ समिति गठन गरेको छ । किराँत याक्थुङ चुम्लुङका संघीय...
स्पेनले दोस्रोपटक विश्वकप फुटबलको उपाधि चुमेको छ । सोमबार विहान न्यु जर्सीको मेटलाइफ रंगशालामा भएको खेलमा डिफेन्डिङ च्याम्पियन अर्जेन्टिनालाई अतिरिक्त समयमा १–० गोलले पराजित गरेको हो । स्पेनले खेल पूर्ण रूपमा आफ्नो नियन्त्रणमा राखेको थियो ।...
अशाेक चेम्जाेङ् मानव सभ्यताको विकास संगसँगै कृषि, संस्कृति र सामुदायिक जीवन पद्धति आपसमा गाँसिँदै गएको देखिन्छ । याक्थुङ (लिम्बु) समुदायमा पनि यही प्रक्रियाबाट प्रारम्भिक जीवनदेखि शिकार, वनजन्य खाद्य संकलन गर्ने, पशुपालनमा निर्भरता, क्रमशः स्थायी बस्ती...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७