ललितपुर, १५ असार । चर्चित युवा गायक एकदेव लिम्बू र चर्चित भारतीय गायिका नेहा कक्करको आवाजकाे गित ‘झिम झिम’ हिन्दी भर्सन गीतकाे भिडियाे युट्युबकाे टेण्डिङ एकमा पुगेकाे छ ।  शुक्रबार ‘झिम झिम’को हिन्दी रिमेक गित प्लेडिएफएफ नामक युट्युबबाट सार्वजनिक गरिएको हो ।

हिन्दी भर्सनकाे गितकाे एकदेवसँगै राना सोतालको शव्द तथा रजत नागपालको संगीत रहेको छ ।

स्नेहा सेट्टी कोलीले निर्देशन गरेको गितको भिडियोमा कलाकार ऋतविक साहोरे र अभिनेत्री प्रिया वारियरको अभिनय छ ।

गित हिन्दी भाषामै भएपनि ‘झिम झिम’बोलको स्थायीलाई भने नेपाली भाषामै समेटिएको छ । नेहा कक्करले पनि यो स्थायीलाई नेपाली शब्दमै गाएकी छिन् ।

गितको भिडियोमा यी दुई कलाकारले यस्ता चरित्रमा अभिनय गरेका छन्, जो विवाह हुँदै गरेको समारोहमा भेटिएका छन् ।

नेपाली र हिन्दी दुवै भाषालाई मिश्रण गरेर तयार पारिएको गितमा एकदेवले हिन्दीमा गाएका छन् भने नेहाले नेपालीमा गाएकी छन् ।

नेहाले गीतको हुकलाइन ‘झिमझिमाउने आँखाले मनै मेरो अल्झेछ, आँखा लोभी मन पापी भुतुक्कै भएँ म’ नेपालीमा गाएकी छन् ।

याे समाचार तयार पार्दासम्म याे गितलाइ दुइ दिनमा ६० लाख भन्दा बढीपटक हेरिएकाे छ ।

छ महिनाअघि युट्युबमा रिलिज भएको एकदेवको ‘झिमझिमाउने आँखा’लाई अहिलेसम्म तीन करोड २० लाखपटक हेरिएको छ । यो गीत ग्लोबल ट्रेण्डिङमा समेत परेको थियो । एकदेवका ‘शीरफूल’, ‘आँखामा आउने सपनी’, ‘तिम्रो मुटुमा’ जस्ता गीतहरु चर्चित छन् ।