ललितपुर, २१ असार । लिम्बुवान नागरिक समाज यूकेले तिन बर्षमा प्रदान गर्दै आईरहेको काङ्सोरे पुरस्कार इतिहासकार, साहित्यकार, भाषाविद् स्व इमानसिंह चेम्जोङलाई प्रदान गरेको छ । यस वर्ष स्व.चेम्जोङलाई मरणोपरान्त पुरस्कार प्रदान गरिएको हो ।

शनिवार किरात याक्थुङ चुम्लुङ् सुनसरी जिल्ला कार्यालय धरानमा आयोजिक एक कार्यक्रममा स्व. चेम्जोङका छोरा मोहनसिं चेम्जोङलाई उक्त पुरस्कार तथा सम्मान प्रदान गरिएको हो ।

लिम्बुवान समाज यूकेले त्रैवार्षिक रुपमा प्रदान गर्दै आएको नगद एक लाख रुपियाँ सहितको पुरस्कार तथा सम्मान १ नं. प्रदेशका पूर्व प्रदेश प्रमुख प्रा. डा. गोविन्द बहादुर तुम्बाहाङले स्व. चेम्जोङका छोरा मोहनसिं चेम्जोङलाई हस्तान्तरण गर्नु भयो ।

पुरस्कार छनोट समितिद्वारा इतिहास, भाषा, लिपि, अनुसन्धान, प्राज्ञिक अन्वेषण तथा लिम्बुवानको राजनीतिक चेतनामा पु¥याएको योगदानका आधारमा स्व. चेम्जोङलाई छनोट गरेको थियो ।

बेलायतमा स्थापना भएको समाजले लिम्बुवान प्राप्तिका लागि योगदान पु¥याउँदै आएका व्यक्तित्वहरुलाई तीन–तीन वर्षमा पुरस्कार प्रदान गर्दै आएको छ । यो पुरस्कार वि.सं. २०७९ सालमा पहिलोपटक पाँचथरका वीर नेम्वाङलाई प्रदान गरिएको थियो । उनले २०३६ सालमा लिम्बुवान मुक्ति मोर्चा गठन गरेर लिम्बुवान आन्दोलन र लिम्बुवानको राजनीतिलाई अघि बढाएका थिए ।